Ukraynanın Prezidenti Pyotr Poroşenko Prezident İlham Əliyevə “Günəşli” yatağındakı neft platformasında baş vermiş yanğınla əlaqədar başsağlığı verib.
Lent.az-ın AzərTAc-a istinadən məlumatına görə, başsağlığında belə deyilir:
“Günəşli” yatağındakı neft platformasında baş vermiş yanğın nəticəsində insanların həlak olması barədə xəbəri böyük kədər hissi ilə qarşıladım.
Həlak olan insanların doğmalarına və yaxınlarına Ukrayna xalqı adından və şəxsən öz adımdan dərin hüznlə başsağlığı verirəm.
Bu kədərli günlərdə dost Azərbaycan xalqının ağrısına şərikik.
Bundan başqa, Koreyanın prezidenti Pak Kin He də baş vermiş hadisə ilə bağlı prezident İlham Əliyev və Azərbaycan xalqına başsağlığı verib.
