Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Azəriqaz" ötən ay 14500-dən çox yeni abonent qeydə alıb

"Azəriqaz" ötən ay 14500-dən çox yeni abonent qeydə alıb

Date: 10 December 2015 17:53

Bakı. Trend:

2015-ci ilin noyabr ayı ərzində “Azəriqaz” İstehsalat Birliyində əhali sektoru üzrə 14 547 yeni abonent qeydiyyata alınıb ki, bunun da 3371-i Bakı və Sumqayıt şəhərlərinin, eləcə də Abşeron rayonunun, 11 176-sı isə regionların payına düşüb.

Trend SOCAR-ın saytına istinadən məlumat verir ki, ümumiyyətlə cari ilin yanvar-noyabr aylarında qeydiyyata alınmış yeni abonentlərin sayı 82 658 təşkil edib. Bu göstəricinin də 28 275-i Bakı və Sumqayıt şəhərləri, eləcə də Abşeron rayonu, 54 383-ü isə regionlar üzrə olub.

Cari ilin noyabr ayında əhali sektoru üzrə 280 413 543 kubmetr həcmində təbii qaz satılıb, ödəniş 93,2 faiz təşkil edib.

Qeyd edək ki, 1 dekabr 2015-ci il tarixinə olan məlumata görə, əhali sektoru üzrə 125 594 məcburi köçkün ailəsi dövlət tərəfindən ayrılmış limitə uyğun olaraq təbii qazla təmin olunub. Bundan əlavə, 337 məscid və dini məbədə təbii qazdan əvəzsiz istifadəsi üçün limit ayrılıb.

Bizi Twitter-dən izləyin: @trend_az


Tags:  Azəriqaz ötən ay 14500-dən çox yeni abonent qeydə alıb

RƏYLƏR


Top news