Aktual mövzular: Dollar alış-satışı , Hava haqqında, Məzənnə, Neftin qiyməti

Yol hərəkəti qaydalarını pozanlara 1 il ərzində inzibati tənbeh tətbiq olunacaq

Yol hərəkəti qaydalarını pozanlara 1 il ərzində inzibati tənbeh tətbiq olunacaq

Date: 10 December 2015 18:05

Azərbaycanda yol hərəkəti qaydalarının pozulmasına görə inzibati tənbeh inzibati xətanın törədildiyi gündən ən geci 1 il keçənədək veriləcək.

APA-nın məlumatına görə, bu yeni İnzibati Xətalar Məcəlləsinin layihəsində əksini tapıb.

Qeyd edək ki, hazırda qüvvədə olan İnzibati Xətalar Məcəlləsinə əsasən, inzibati tənbeh inzibati xətanın törədildiyi gündən ən geci 2 ay keçənədək verilə bilər.

Gömrük qaydaları, ətraf mühitin qorunması qaydaları, xarici dövlətlərin qeyri-hökumət təşkilatlarının filial və ya nümayəndəliklərinin fəaliyyət göstərməsi qaydaları, qrant müqavilələrinin (qərarlarının) qeydə alınması qaydaları, eləcə də maliyyə, vergilərin və rüsumların ödənilməsi qaydaları əleyhinə olan inzibati xətalara görə, habelə hüquqi şəxslərin dövlət reyestri üçün zəruri məlumatların verilməməsinə, qeyri-hökumət təşkilatları haqqında və cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin pozulmasına görə inzibati tənbeh inzibati xətanın törədildiyi gündən ən geci bir il keçənədək verilə bilər.

Yeni İnzibati Xətalar Məcəlləsinə əsasən isə inzibati tənbeh inzibati xətanın törədildiyi gündən ən geci 3 ay keçənədək verilə bilər. Eyni zamanda inzibati tənbehin inzibati xətanın törədildiyi gündən ən geci bir il keçənədək verildiyi inzibati xətalar sırasına yol hərəkəti qaydalarının pozulması da daxil edilib.

Milli.Az


Tags:  Yol hərəkəti qaydalarını pozanlara il ərzində inzibati tənbeh tətbiq olunacaq


RƏYLƏR


Top news