“Facebook” yaxın aylarda şirkətlərin əməkdaşlarının biznes məsələləri üzrə ünsiyyəti üçün yeni veb layihə - “Facebook at Work” korporativ sosial şəbəkəsini istifadəyə verəcək.
Axşam.az xəbər verir ki, "Röyters" agentliyinin məlumatına əsasən, yeni xidmət vasitəsilə müxtəlif şirkətlərin əməkdaşları ünsiyyət saxlamaq, sənədlərlə mübadilə etmək, həmçinin işgüzar əlaqələr qurmaq imkanı əldə edəcəklər. Bu xidmətin sınaqlarına cari ilin yanvar ayından başlanılıb. Yeni layihənin dizaynı - xəbər lenti, dialoqlar və “layk”lar “Facebook”u xatırladacaq.
Həmçinin, şirkət hər bir istifadəçidən sosial şəbəkənin əlavə imkanlarına giriş üçün aylıq ödəniş nəzərdə tutub.
Qeyd edək ki, “Facebook” sosial şəbəkəsinin aylıq auditoriyası 1,19 milyard nəfərdən ibarətdir.
