Bakı, 10 dekabr, AZƏRTAC
Dekabrın 10-da təhsil naziri Mikayıl Cabbarov Koreya Respublikasının Azərbaycana yeni təyin olunan səfiri Kim Çanq-gyu ilə görüşüb.
Nazirlikdən AZƏRTAC-a bildiriblər ki, görüşdə təhsil əlaqələri, o cümlədən ali və ilk peşə-ixtisas təhsili sahələrində əməkdaşlıq layihələrinin icrası məsələləri müzakirə olunub.
Mikayıl Cabbarov ölkəmiz üçün Koreya Respublikasının təcrübəsinin öyrənilməsinin əhəmiyyətini qeyd edib, təhsil sahəsində əməkdaşlığın daha da inkişaf etdirilməsinin vacibliyini vurğulayıb.