Aktual mövzular: Dollar alış-satışı , Hava haqqında, Məzənnə, Neftin qiyməti

Romada “MED 2015 - Aralıq dənizi üzrə dialoqlar” forumu işə başlayıb

Romada “MED 2015 - Aralıq dənizi üzrə dialoqlar” forumu işə başlayıb

Date: 10 December 2015 21:43


Roma, 10 dekabr, AZƏRTAC
Romada “MED 2015 - Aralıq dənizi üzrə dialoqlar” forumu işə başlayıb. İtaliyanın Xarici İşlər Nazirliyi və bu ölkənin aparıcı “beyin mərkəzləri”ndən olan Beynəlxalq Siyasi Araşdırmalar İnstitutu (ISPI) tərəfindən təşkil edilən tədbir 40 ölkədən 300-ə yaxın nümayəndəni bir araya gətirib.
“İğtişaşlardan uzaq, müsbət gündəlik” devizi ilə keçirilən üçgünlük forum Aralıq dənizi regionunda baş verən proseslərin bu formatda müzakirə olunduğu ilk tədbirdir. Forumda regionda cərəyan edən böhranlar, çağırışlar, təhlükəsizliyin və sabitliyin bərqərar olunması, zorakılığın aradan qaldırılması, terrorizmlə mübarizə, Suriya və Liviya problemləri və digər məqamlar diqqət mərkəzindədir. Paylaşılan təhlükəsizlik və tərəqqi, miqrasiya, mətbuat, mədəniyyət və cəmiyyət mövzuları üzrə aparılan müzakirələr 23 sessiyada davam edəcək.
Forumun ilk günündə İtaliyanın Baş naziri Matteo Renzi çıxış edərək xüsusilə terrorizmlə mübarizədə beynəlxalq əməkdaşlığın önəmini vurğulayıb. O, son illər Avropanın üzləşdiyi miqrant böhranının həlli ilə bağlı müxtəlif yanaşmalara münasibət bildirərək deyib: “İtaliya insanların həyatının xilas olunmasını, müharibədən qaçan bacı və qardaşlarımızın qəbul edilməsi ilə bağlı işləri davam etdirəcək”.
Maqsud Dadaşov
AZƏRTAC-ın xüsusi müxbiri
Roma

Tags:  Romada MED 2015 Aralıq dənizi üzrə dialoqlar forumu işə başlayıb


RƏYLƏR


Top news