Aktual mövzular: Dollar alış-satışı , Hava haqqında, Məzənnə, Neftin qiyməti

FİFA-dan "Neftçi"yə rədd cavabı

FİFA-dan "Neftçi"yə rədd cavabı

Date: 10 December 2015 23:52

2010-cu ildə İsveçrənin "Sion" klubundan "Neftçi" PFK-ya transfer olunmuş və 2012-ci ilin qış fasiləsi dövründə "Neftçi" PFK-nın düşərgəsindən ayrılan Emil Mpenza barəsində FİFA-nın çıxardığı qərar qüvvədə saxlanılıb.

Milli.Az qol.az-a istinadən bildirir ki, Emil Mpenzanın klubun düşərgəsini özbaşına tərk etməsini əsas gətirərək, 21.02.2012-ci il tarixdə futbolçu ilə imzalanmış müqaviləyə "Neftçi" PFK tərəfindən birtərəfli qaydada xitam verilmişdi.

13.03.2012-ci il tarixdə isə "Neftçi" PFK tərəfindən FİFA qarşısında futbolçunun klubu tərk etməsi ilə bağlı rəsmi iddia qaldırılıb.
Emil Mpenza da öz növbəsində FİFA qarşısında əks iddia qaldıraraq "Neftçi" PFK-dan təzminat tələb etmişdi.

3 il müddətində davam etmiş araşdırmaların nəticəsi olaraq 21.01.2015-ci il tarixdə FİFA futbolçunun şikayətinə baxaraq onun xeyrinə qərar çıxarmışdı.

Bu qərarla əlaqədar olaraq 15.07.2015-ci il tarixdə "Neftçi" PFK Emil Mpenza məsələsi barəsində İdman Arbitraj Məhkəməsinə (CAS) apellyasiya müraciəti ünvanlamışdı. 3 ay davam etmiş araşdırmalardan sonra FİFA-nın 21.01.2015-ci il tarixdə futbolçunun xeyrinə çıxardığı qərarı qüvvədə saxlanılıb.
Milli.Az


Tags:  FİFA-dan Neftçiyə rədd cavabı

RƏYLƏR


Top news