Aktual mövzular: Dollar alış-satışı , Hava haqqında, Məzənnə, Neftin qiyməti

"Krasnodor"ın baş məşqçisi: "Belə hesab gözləmirdim"

"Krasnodor"ın baş məşqçisi: "Belə hesab gözləmirdim"

Date: 11 December 2015 00:52

"Krasnodor"ın baş məşqçisi Oleq Kononov "Qəbələ" ilə oyunla bağlı fikirlərini bildirib. Fanat.az xəbər verir ki, rəqib çalışdırıcı 3:0 hesablı qələbə qazandıqları oyunla bağlı bunları deyib: 

"Vacib qələbə qazanaraq, qrupda ilk pilləyə yüksəldik. Bu münasibətlə futbolçularımı təbrik edirəm. Yaxşı oyun keçirdik və ədalətli olaraq qələbə qazandıq.

Bilirdik ki, rəqibin zəif cəhətləri var. Bunlardan biri də "Qəbələ"nin hücumdan müdafiəyə gec çəkilməyi idi. Bundan da yararlanmağı tapşırmışdım. Futbolçularım da verilən tapşırığı yerinə yetirdi.  

Oyundan əvvəl belə hesabla qələbə qazanacağımızı gözləmirdim. Kubanla Bakıdakı oyunu müqayisə etməyin mənası yoxdu. Çünki bu gün biz daha güclü idik. Qələbə qazanmaq üçün meydana çıxmışdıq. Rəqibin qapıçısına gəldikdə isə şərh verməkdə çətinlik çəkirəm. Ancaq Pereyranı tərifləyib, ona öz təşəkkürümü bildirə bilərəm". 

Fanat.az

Tags:  Krasnodorın baş məşqçisi Belə hesab gözləmirdim

RƏYLƏR


Top news