Aktual mövzular: Dollar alış-satışı , Hava, Məzənnə, Neftin qiyməti

Rusiya Gürcüstanın ittihamlarını təkzib etdi

Rusiya Gürcüstanın ittihamlarını təkzib etdi

Tarix: 11 Dekabr 2015 02:49

Rusiya Müdafiə Nazirliyi Rusiyaya məxsus hərbi helikopterin Gürcüstanın hava məkanını pozması barədə rəsmi Tiflisin etirazını təkzib edib. Bu barədə APA “TASS”a istinadən məlumat verir.

 

“Son sutka ərzində Rusiyaya məxsus hərbi helikopterlər Gürcüstan sərhədinə yaxın ərazilərdə heç bir uçuş həyata keçirməyib. Təsadüfi deyil ki, ittihamlar irəli sürən Gürcüstan Müdafiə Nazirliyinin nümayəndələri Gürcüstanın hava məkanının hansı yerdə pozulduğunu hələ də deyə  bilməyiblər”, deyə Rusiya Müdafiə Nazirliyinin mətbuat xidmətinin rəisi general-mayor İqor Konaşenkov bildirib.   

 

Konaşenkov gürcü həmkarlarına gələcəkdə bu cür bəyanatlar verməzdən əvvəl obyektiv nəzarətin, xüsusən də, radiolokasiya vasitələrin məlumatlarına əsaslanmağı  tövsiyə edib.   

 

Qeyd edək ki,  Gürcüstan XİN son sutka ərzində ölkənin hava məkanının Rusiya helikopterləri  tərəfindən iki dəfə (dekabrın 9-u axşam və dekabrın 10-u səhər saatlarında) pozulduğunu iddia edir.   


Teqlər:  Rusiya Gürcüstanın ittihamlarını təkzib etdi



RƏYLƏR


Top xəbərlər