"Möhtəşəm yüz il" serialı sayəsində ərəb dünyasında da böyük fanat ordusu olan Nabahat Çehre Küveyt kralından bahalı hədiyyə alıb.
Axşam.az-ın Türkiyə mətbuatına istinadən məlumatına görə, dünən qatıldığı tədbirdə qolundakı saatla diqqət çəkən aktrisaya bu hədiyyənin kral tərəfindən verildiyi bilinib. N.Çehre açıqlamasında bahalı daşlarla örtülü olan "Franck Muller" markalı saatın 100 min dollar dəyəri olduğunu deyib:
"Serialdan sonra ərəb dünyasında çoxlu görüş təklifləri aldım. Həmin vaxt Küveyt kralı və kraliçası da mənimlə burada görüşdü. Ardından onlar tərəfindən ölkələrinə dəvət olundum. Qonaqları oldum".
Qeyd edək ki, aktrisa serialda Valide Sultanı canlandırırdı.
