Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

İtkin düşən neftçilərin axtarışına təyyarə cəlb olunub

İtkin düşən neftçilərin axtarışına təyyarə cəlb olunub

Date: 11 December 2015 10:32

Bakı. 11 dekabr. REPORT.AZ/ Azərbaycan Dövlət Neft Şirkətinin (SOCAR) "Günəşli" yatağındakı 10 saylı dərin dəniz özülündə baş vermiş qəzada itkin düşən 23 nəfərin və "Neft daşları" yatağında itkin düşən 3 nəfərin axtarışı davam etdirilir.
"Azneft" İstehsalat Birliyindən "Report"a verilən məlumata görə, bu gün axtarışların miqyası daha da genişləndirilib.
Hazırda Fövqəladə Hallar Nazirliyinin (FHN) 2 gəmi, 4 helikopteri və 1 təyyarəsi axtarışa cəlb olunub.
Bundan əlavə, FHN-nin şəxsi heyəti Pirallahı ətrafında axtarışlara başlayıb. Onlar sahilboyu vizual axtarış edirlər.
Axtarışlara, həmçinin SOCAR-ın sifarişi ilə AZAL-ın 2 helikopteri cəlb olunub. Helikopterlərdən biri "Neft daşları" ərazisində, digəri isə "Günəşli" ərazisində axtarışlar aparır.
Dövlət Sərhəd Xidmətinin (DSX) Sahil Mühafizəsinə aid 2 gəmi və 2 helikopter də axtarışa qoşulub.
"Günəşli" yatağının 10 saylı dərin dəniz özülündəki 4 qaz quyusundakı yanğın davam edir. Hazırda yanğının söndürülməsi ilə 5 gəmi məşğuldur.

Tags:  İtkin düşən neftçilərin axtarışına təyyarə cəlb olunub

RƏYLƏR


Top news