Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Özümü axtarıram" şerlər kitabı Bakıda təqdim olundu (FOTO)

"Özümü axtarıram" şerlər kitabı Bakıda təqdim olundu (FOTO)

Date: 11 December 2015 10:33

Bakı. Trend:

Bakıda tanınmış gəncəli şairə Xəzangül Hüseynovanın “Özümü axtarıram” şerlər kitabının təqdimatı keçirilib. Trend-in məlumatına görə, kitabda Xəzangül Hüseynovanın yeni şerləri toplanıb. Şeirlər öz oxunaqlığı ilə diqqəti cəlb edir.

Şairə kitabda qeyd edir: “Özüm öz kitabımı vərəqlədikcə, oxuduqca poeziya deyilən bir dünyanın həzin pıçıltılarını eşidirəm. Ucu-bucağı görünməyən dərindən də dərin, təlatümsüz, sakit bir dənizin pıçıltısı kimi. Bilmirəm, şeirlərimlə dərdləşə biləcək kimsə olacaqmı? Olsaydı, dərddən, kədərdən yüklənən şeirlərim yüngülləşərdi”.

Qeyd edək ki, Xəzangül Hüseynova Borçalı mahalında anadan olub. Ötən əsrin 70-ci illərindən başlayaraq şeirləri çap olunan şairə Xəzangül 1988-ci ildən Azərbaycan Yazıçılar Birliyinin, 2008-ci ildən isə Türkiyə-Avrasiya Yazarlar Birliyinin üzvüdür.

Gəncə şəhərində yaşayıb-yaradan şairə Xəzangül Hüseynova 7 kitab müəllifidir. “Qaya üstə bitən çiçək” (1988), “Yeddinci göylə söhbət” (1996), gürcü dilində “Ekvebi” (1998), “Ömür şikəstəsi” (1998), “Günəş məni aldadır” (2000), “Könlümdən baxan günəş” (2008), türk dilində “Bitmeyen hazan” (2008).

“Məhəbbətin qənimi” adlı mənzum pyesi Gəncə şəhər C.Cabbarlı adına dram teatrında tamaşaya qoyulub. Türkiyə teatrında da nümayiş etdirilib.

Xəzangül Hüseynova Azərbaycan Yazıçılar Birliyinin Gəncə bölməsinin sədridir.

Bizi Twitter-dən izləyin: @trend_az


Tags:  Özümü axtarıram şerlər kitabı Bakıda təqdim olundu FOTO

RƏYLƏR


Top news