Aktual mövzular: Dollar alış-satışı , Hava haqqında, Məzənnə, Neftin qiyməti

YAP nümayəndə heyəti Vyetnamda bir sıra görüşlər keçirib

Date: 11 December 2015 11:13


Hanoy, 11 dekabr, AZƏRTAC 
Vyetnam Kommunist Partiyasının dəvəti ilə bu ölkədə rəsmi səfərdə olan Yeni Azərbaycan Partiyasının nümayəndə heyəti səfərinin ikinci günündə ölkənin bir sıra rəsmi şəxsləri ilə görüşlər keçirib.
Vyetnam Kommunist Partiyası Hanoy şəhər komitəsi birinci katibinin müavini xanım Nqo Than Xanq, Vyetnnamın xarici işlər nazirinin müavini Vu Hong Nam, Vyetnam-Azərbaycan Dostluq Cəmiyyətinin sədri, Azərbaycan Dövlət Universitetinin məzunu Nqem Vu Hay və onun müavinləri ilə görüşlər keçirilib.
Bundan başqa, YAP Gənclər Birliyinin sədri Seymur Orucov Xo Şi Min adına Vyetnam Kommunist Gənclər İttifaqının Mərkəzi Komitəsinin birinci katibi Nguyen daDç Vinlə görüşüb.
Görüşlərdə Vyetnam ilə Azərbaycan arasında dostluq əlaqələrinin möhkəmləndirilməsi, qarşılıqlı səfərlərin davam etdirilməsi, həmçinin ölkələrimiz arasında siyasi, iqtisadi, humanitar sahələrdə əməkdaşlıq məsələləri müzakirə olunub.
Bütün görüşlər barədə yerli telekanallarda geniş reportajlar verilib.
Nümayəndə heyətinə YAP İcra katibinin müavini, Dini Qurumlarla İş üzrə Dövlət Komitəsinin sədri Mubariz Qurbanli, YAP İcra katibliyinın siyasi təhlil və proqnozlaşdırma şöbəsinin müdiri Aydın Mirzəzadə və YAP Gənclər Birliyinin sədri Seymur Orucov daxildirlər.

Şahin Cəfərov
AZƏRTAC-ın xüsusi müxbiri
Hanoy

Tags:  YAP nümayəndə heyəti Vyetnamda sıra görüşlər keçirib


RƏYLƏR


Top news