Bakı. Təmkin Cəfərov - Trend:
"İki nəfərlik təyyarənin layihəsi və dizaynı başa çatıb. Hazırda təyyarənin geniş miqyasda istehsalı üçün işlər görülür". Bunu İranın Aerokosmik Tədqiqatlar İnstitutunun sədri Fəthullah Ommi deyib. Trend-in məlumatına görə, bu barədə İran televiziyasının rəsmi xəbər saytı iribnews.ir məlumat verir.
F.Ommi deyib ki, hökumət aerokosmik tədqiqatlar aparmaq məqsədi ilə işçi qrupu yaradıb: "İşçi qrupu ölkədə 60 layihə həyata keçirəcək. Həmin layihələr əsasən pilotsuz təyyarələr, yüngül və az ağır təyyarələrin istehsalı sahəsində araşdırmaların aparılmasıdır”.
F.Ommi deyib ki, iki nəfərlik təyyarədən başqa, 4 və 6 nəfərlik təyyarələrin də istehsalı üçün işlər gedir və yaxın vaxtlarda həmin təyyarələrin də istehsalına başlanılacaq.
Bizi Twitter-dən izləyin: @trend_az