Bakı, 11 dekabr, AZƏRTAC
C.Cabbarlı adına “Azərbaycanfilm” kinostudiyası ilə Azərbaycan Dövlət Mədəniyyət və İncəsənət Universiteti arasında birgə əməkdaşlıq haqqında niyyət protokolu imzalanıb. Protokola əsasən “Azərbaycanfilm” kinostudiyası tərəfindən şəhid rejissor Vaqif Əhmədov adına təqaüd təsis edilib.
Kinostudiyadan AZƏRTAC-a bildirilib ki, əsas məqsəd peşəkar kino məktəbinin istedadlı davamçılarını aşkar etmək, iddialı tələbələrə dəstək olmaqdır.
Təqaüdçülərin adlarını təqdim etmək ADMİU-nun elmi şurasına həvalə olunub.