Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

​Parisdə keçirilən konfransın yekun sənədinin qəbulu təxirə salınıb

​Parisdə keçirilən konfransın yekun sənədinin qəbulu təxirə salınıb

Date: 11 December 2015 11:53

Bakı. 11dekabr. REPORT.AZ/ Parisdə BMT-nin iqlim dəyişikliyi ilə bağlı konfransının yekun sənədinin qəbul edilməsi bir günlüyə təxirə salıb.
"Report" xəbər verir ki, bu haqda "Euronews" məlumat yayıb.
Xəbərdə bildirlib ki, yekun sənədin dekabrın 12-də qəbul ediləcəyi gözlənilir. Məlumata görə, ötən gün razılaşma sənədi ilə bağlı bir çox mübahisəli məqamlar müzakirə edilərək, aradan qaldırlıb. Onun həcmi 43 səhifədən 27 səhifəyədək ixtisar edilib, mübahisəli məsələlərin sayı 900-dən 50-dək azalıb.
Dekabrın 12-dək mübahisəli məsələlərin müzakirə edilərək, başa çatdırlacağı nəzərdə tutulub.
İnformasiyaya əsasən, konfrans iştirakçıları atmosferin çirkləndirilməsi nəticəsində havanın temperaturunun XX əsrlə müqayisədə orta hesabla 2 dərəcədən yuxarı qalxmamasına dair razılıq əldə ediblər.
Xatırladaq ki, BMT-nin iqlim dəyişikliyi ilə bağlı "COP 21" konfransı noyabrın 30-da başlayıb, tədbirin dekabrın 11-də başa çatması nəzərdə tutulmuşdu. Ancaq toplantı iştirakçılarının yekun sənədi razılaşdırıb, qəbul edə bilməmələri səbəbindən konfransın keçirilmə müddəti bir gün də uzadılıb.
Konfransda 150-dək ölkənin dövlət və hökumət başçıları iştirak edib. Tədbirdə bəşəriyyəti narahat edən iqlim dəyişikliyi ilə bağlı qarşıda duran vəzifələr müzakirə olunub.

Tags:  Parisdə keçirilən konfransın yekun sənədinin qəbulu təxirə salınıb

RƏYLƏR


Top news