Bahar Muradova: "Ermənistanda yerləşən Rusiyanın hərbi bazasına helikopterlər göndərilməsi..."

Bahar Muradova: "Ermənistanda yerləşən Rusiyanın hərbi bazasına helikopterlər göndərilməsi..."
12:52 11 Dekabr 2015
25 Ölkə
Ölkə mətbuatı
A- A+

Rusiya ilə çox yaxın müttəfiqlik münasibətinə malikik. Uzun illərdir ki, qonşuyuq və vahid taleyi bölüşmüşük. Bu gün də regionda geden proseslərdə bu ölkələr biri digərindən ayrı şəkildə fəaliyyət göstərə bilməz. Bu heç kəsin marağında da deyil.

Trend-in məlumatına görə, bunu bu gün Milli Məclisin vitse-spikeri Bahar Muradova jurnalistlərə bildirib.

B.Muradova qeyd edib ki, biz rusiyalı həmkarlarımızın Ermənistanla və ya başqa ölkələrlə münasibətlərinin Azərbaycana yönəlmədiyi barədə bəyanatlarını eşidirik: "Buna da inanmaq istəyirik ki, Ermənistanda yerləşən Rusiyanın hərbi bazasına helikopterlər göndərilməsi Rusiyanın milli və dövlət maraqlarına xidmət etsə də, bu maraqlar Azərbaycanın maraqları ilə toqquşmayacaq".

Ermənilərin son vaxtlar cəbhə xəttində fəallaşmasına münasibət bildirən B.Muradova deyib ki, elə bir gün yoxdur ki, ermənilər təxribata əl atmasınlar: "Bu, müharibədir. Hər gün müharibə davam edir və hər iki tərəfdə insanlar həyatlarını itirirlər. Bu hadisələr bölgədə sabitliyə və əmin-amanlığa böyük zərbə vurur".

Milli.Az


Xəbərin orijinal ünvanı: http://news.milli.az/politics/389465.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR