Bakı. 11 dekabr. REPORT.AZ/ Bakı sakini bədbəxt hadisə nəticəsində ölüb.
“Report”un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.
Məlumata görə, Qaradağ rayonunun Lökbatan qəsəbəsində Kürdəmir rayon sakini Şəmistan Fərmanlı “KamAZ” markalı avtomobildən tərəvəz boşaldarkən yıxılıb. Xəstəxanaya yerləşdirilən Ş.Fərmanlı orada ölüb.
Faktla bağlı araşdırma aparılır.