Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

“Kütləvi informasiya vasitələri haqqında” Qanunda dəyişiklik müzakirə edilib

Date: 11 December 2015 13:53


Bakı, 11 dekabr, AZƏRTAC 
Dekabrın 11-də V çağırış Milli Məclisin mədəniyyət komitəsinin ilk iclası keçirilib.
AZƏRTAC xəbər verir ki, komitə sədri Rafael Hüseynov gündəlikdə duran məsələlər barədə məlumat verib.
İclasda İnzibati Xətalar Məcəlləsində, “Kütləvi informasiya vasitələri haqqında” Qanunda dəyişikliklərə baxılıb.
Bildirilib ki, İnzibati Xətalar Məcəlləsində yeni maddə əlavə edilir. Dəyişikliyə görə kino və videofilmlərin Filmlərin Dövlət Reyestrində qeydiyyata alınmadan Azərbaycan ərazisində yayımına və kütləvi nümayiş etdirilməsinə görə iki min manat miqdarında cərimə tətbiq edilir. “Kinematoqrafiya haqqında” Qanunun 7-ci maddəsinə əsasən Azərbaycan ərazisində kütləvi nümayiş (kinozal, videozal, video yayımı məntəqələri, efir və kabel televiziyası) üçün nəzərdə tutulmuş bütün filmlər müvafiq icra hakimiyyəti orqanı tərəfindən qeydə alınmalı və filmlərin dövlət reyestrinə daxil edilməlidir. Filmlərin yayımı və nümayişi müvafiq icra hakimiyyəti orqanının müəyyən etdiyi qaydada həyata keçirilməlidir. Təklif olunan dəyişiklik həmin tələblərin təmin edilməsi məqsədi daşıyır.
“Kütləvi informasiya vasitələri haqqında” Qanunda təklif olunan dəyişiklikdə göstərilir ki, kütləvi informasiya vasitəsinin istehsalı və yayımı yalnız təsisçinin, məhkəmənin və ya “Televiziya və radio yayımı haqqında” Qanunda nəzərdə tutulmuş hallarda teleradio yayımı sahəsində müvafiq dövlət orqanının qərarı ilə müvəqqəti dayandırıla, yaxud ona xitam verilə bilər. Mövcud variantda isə göstərilir ki, kütləvi informasiya vasitəsinin istehsalı və yayımı yalnız təsisçinin və ya məhkəmənin qərarı ilə müvəqqəti dayandırıla, yaxud ona xitam verilə bilər.
Müzakirələrdən sonra hər iki qanun layihəsi parlamentin plenar iclasına tövsiyə olunub.
İclasda cari məsələlərə də baxılıb.

Tags:  Kütləvi informasiya vasitələri haqqında Qanunda dəyişiklik müzakirə edilib


RƏYLƏR


Top news