Bakı, 11 dekabr, AZƏRTAC
Gənclər və idman naziri Azad Rəhimov dekabrın 15-də Şirvan şəhərində vətəndaşları qəbul edəcək. Qəbulda Şirvan şəhərinin, Hacıqabul, Neftçala, Saatlı, Sabirabad və Salyan rayonlarının sakinləri iştirak edəcəklər.
Gənclər və İdman Nazirliyinin mətbuat xidmətindən AZƏRTAC-a bildiriblər ki, qəbul saat 11:00-da Yeni Azərbaycan Partiyası Şirvan şəhər təşkilatının inzibati binasında (Şirvan şəhəri, Xəqani küçəsi-1, Heydər Əliyev parkının ərazisi) başlanacaq.
Qəbul üçün vətəndaşların qeydiyyatı dekabrın 11-dən 14-dək saat 09:00-dan 18:00-dək aparılacaq. Qəbula gəlmək istəyən vətəndaşlar Şirvan (055-333-40-04), Hacıqabul (055-797-76-96), Neftçala (050-320-42-42), Saatlı (055-211-56-50), Sabirabad –(050(55) - 206-86-77) və Salyan (055-200-66-65) rayonların gənclər və idman idarələri ilə əlaqə saxlamalıdırlar.