Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanın əsas magistral yolunda yararsız yeraltı piyada keçidləri - FOTO

Azərbaycanın əsas magistral yolunda yararsız yeraltı piyada keçidləri - FOTO

Date: 11 December 2015 16:57

Bakı. 11 dekabr. REPORT.AZ/ Bakı-Qazax magistral yolunun Kürdəmir rayonun Sığırlı kəndi ərazisindən keçən hissəsində yeraltı piyada keçidləri yararsız hala düşüb. Buna görə də kənd sakinləri üçün yolu keçmək onların həyatı bahasına başa gəlir. "Report"un hadisə yerində olan əməkdaşının verdiyi məlumata görə, magistral yolun kəndin içindən keçməsini nəzərə alaraq həmin əraziyə 3 ədəd yeraltı keçid inşa edilsədə hazırda keçiddən istifadə etmək mümkün deyil.
Sakinlərin sözlərinə görə, bu yolu keçmək onlar üçün çox çətinliklər yaradır: "Bu yol ən çox məktəblilər üçün təhlükəlidir. Hər gün uşaqlarımı zıməktəbə aparıb-məktirmək məcburiyyətindəyik. Qış aylarında dumanlı hava şəraiti zamanı avtomabilləri görmək mümkün deyil. Ona görə də bu ərazidə tez-tez yol qəzası baş verir".
Məsələ ilə bağlı Nəqliyyat Nazirliyinin (NN) "Azəryolservis" ASC-nin mətbuat xidmətinin rəhbəri Anar Nəcəfli bildirib ki,  magistral yolun sözügedən hissəsində təmir işləri yekunlaşmayıb: "Bakı-Qazax magistral yolunun Kürdəmir rayonun Sığırlı kəndi ərazisindən keçən hissəsində hazırda təmir işləri aparılır. Həmin ərazidə müvəqqəti yol nişanları quraşdırılıb və sürət həddi saatda 40-50 kilometr göstərilib. Sadəcə olaraq sürücülər sürət həddinə riayət etmirlər. O ki, qaldı həmin ərazidə olan yeraltı keçidlərin vəziyyətinə, yaxın vaxtlarda magstral yol tamamilə istifadyə verildikdə keçidlərdə də bütün şərait yaradılacaq. Həm piyadalar Həm də mal-qaralar üçün nəzərdə tutulmuş keçidlərdən asanlıqla istifadə etmək mümkün olacaq". 

Xatırladaq ki, sözügedən ərazidə bir neçə gün öncə 24 yaşlı kənd sakinini və bir il öncə 2-ci sinif şagirdini yolu keçmək istəyərkən maşın vurub. Hər iki payada dünyasını dəyişib.





Tags:  Azərbaycanın əsas magistral yolunda yararsız yeraltı piyada keçidləri FOTO

RƏYLƏR


Top news