Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Ulu öndər Heydər Əliyevin əziz xatirəsi Fövqəladə Hallar Nazirliyinin Akademiyasında anılıb

Ulu öndər Heydər Əliyevin əziz xatirəsi Fövqəladə Hallar Nazirliyinin Akademiyasında anılıb

Date: 11 December 2015 19:04


Bakı, 11 dekabr, AZƏRTAC
Dekabrın 11-də Fövqəladə Hallar Nazirliyinin (FHN) Akademiyasında ümummilli lider Heydər Əliyevin əziz xatirəsi dərin ehtiramla anılıb.
FHN-dən AZƏRTAC-a bildiriblər ki, əvvəlcə Ulu Öndərin abidəsi önünə gül dəstələri qoyulub, xatirəsi ehtiramla yad edilib.
Ümummilli Liderin xatirəsinin bir dəqiqəlik sükutla yad edilməsi ilə başlayan tədbiri giriş sözü ilə açan Akademiyanın rəisi, general-mayor Pənah Süleymanov müasir müstəqil Azərbaycan dövlətinin memarı və qurucusu, dünya şöhrətli siyasətçi Heydər Əliyevin xalqımız qarşısında misilsiz xidmətlərindən bəhs edib. O, Ulu Öndərin əsasını qoyduğu mütərəqqi siyasətin layiqli davamçısı Azərbaycan Respublikasının Prezidenti İlham Əliyevin fövqəladə halların qarşısının alınması və nəticələrinin aradan qaldırılması, bu sahədə gənc kadrların yetişdirilməsi işinə göstərdiyi yüksək diqqət və qayğıdan danışıb.
Mərasimdə akademiyanın rəis müavini, polkovnik Afət Qurbanov “Heydər Əliyev müstəqil Azərbaycan dövlətinin banisidir”, dosent Fizuli İbrahimzadə “Bütün həyatını xalqına həsr etmiş tarixi şəxsiyyət” mövzularında məruzə ilə çıxış ediblər.
Sonda ümummilli lider Heydər Əliyevə həsr edilən “Şərəfli ömür yolu” filmi göstərilib.






Tags:  Ulu öndər Heydər Əliyevin əziz xatirəsi Fövqəladə Hallar Nazirliyinin Akademiyasında anılıb


RƏYLƏR


Top news