Aktual mövzular: Dollar alış-satışı , Hava haqqında, Məzənnə, Neftin qiyməti

"Günəşli"dəki qəza ilə əlaqədar işçi qrupunun növbəti iclası keçirilib

"Günəşli"dəki qəza ilə əlaqədar işçi qrupunun növbəti iclası keçirilib

Date: 11 December 2015 19:38

Bakı. Trend:

Dekabrın 10-da “Günəşli” yatağındakı 10 saylı dərin dəniz özülündə baş vermiş qəza ilə əlaqədar olaraq yaradılmış işçi qrupunun növbəti iclası keçirilib.

Trend SOCAR-a istinadən məlumat verir ki, iclasda Azərbaycan fövqəladə hallar nazirinin müavini Tapdıq Əmiraslanov, Ekologiya və Təbii Sərvətlər Nazirliyinin məsul əməkdaşları, SOCAR-ın vitse-prezidentləri Rəfiqə Hüseynzadə, Rəhman Qurbanov, habelə BP şirkətinin vitse-prezidenti Robert Vat və aidiyyatı üzrə mütəxəssislər iştirak ediblər. İclasda mümkün ekoloji problemlərin və neft dağılmaları ehtimalının hesablanması və qarşısının alınması məsələləri müzakirə olunub. Bu məqsədlə havadan helikopter və sudan gəmilər vasitəsi ilə ərazi koordinatlarının müəyyən edilməsi və zəruri tədbirlər görülməsi üçün “Azərkosmos”dan ərazinin gündəlik çəkilişlərinin alınmasına qərar verilib. Ərazini mümkün neft dağılmalarından qorumaq məqsədi ilə su səthinə xüsusi gəmilər vasitəsi ilə dağılmalara qarşı bonların düzülməsi nəzərdə tutulub. Keçirilmiş iclasın nəticəsi olaraq bu gün səhər işçi qrupun üzvləri qəza yerinə uçaraq, helikopterdən əraziyə baxış keçiriblər. Uçuş zamanı qəza ərazisində neft dağılmaları müşahidə edilməyib. Qəza rayonunda mütəmadi müşahidə və tədqiqatlar aparılması üçün 1 ədəd monitorinq gəmisi və neft dağılmalarına qarşı müasir avadanlıqlarla təchiz edilmiş 6 digər gəmi əraziyə göndərilib. Xüsusi təchiz edilmiş bu gəmilər dağılma halları baş verərsə, neftin yığılması və utilizasiya məntəqələrinə çatdırılması üçün tam hazır vəziyyətə gətirilib.

Bizi Twitter-dən izləyin: @trend_az


Tags:  Günəşlidəki qəza əlaqədar işçi qrupunun növbəti iclası keçirilib

RƏYLƏR


Top news