Azərbaycanlı hakimlər ilk dəfə Avropa Liqasının qrup mərhələsində oyun idarə edib.
ANS PRESS-in məlumatına görə, Əliyar Ağayevin başçılıq etdiyi briqada "Rapid" (Avstriya) - "Dinamo" (Minsk, Belarus) qarşılaşmasında ədaləti qoruyub.
Matç meydan sahiblərinin 2:1 hesablı qələbəsi ilə yekunlaşıb. Əliyar Ağayev 21-ci dəqiqədə qonaqların qapısına penalti təyin edib. Lakin Steffen Hofmann bu şansdan yararlana bilməyib.
Referi 90 dəqiqə ərzində cəmi bir dəfə sarı vərəqədən istifadə edib. O, 56-cı dəqiqədə "Rapid"dən Stepan Aueri cəzalandırıb.
Əliyar Ağayev
Qeyd edək ki, bu oyunda Əliyar Ağayevə Zeynal Zeynalovla Rza Məmmədov yardımçı olub. 4-cü hakim fuksiyasını Mübariz Haşımov yerinə yetirib. Rəhim Həsənovla Orхan Məmmədov isə əlavə köməkçi hakim kimi meydana çıxıb.
Ağayevin Avroliqa matçında təyin etdiyi penalti
