Aktual mövzular: Dollar alış-satışı , Hava haqqında, Məzənnə, Neftin qiyməti

​Türkiyədə Heydər Əliyevin vəfatının 12-ci ildönümü ilə bağlı xatirə tədbiri təşkil edilib

​Türkiyədə Heydər Əliyevin vəfatının 12-ci ildönümü ilə bağlı xatirə tədbiri təşkil edilib

Date: 11 December 2015 23:07

Bakı. 11 dekabr. REPORT.AZ/ Dekabrın 11-də Ankaranın Yenimahalle səmtində yerləşən Heydər Əliyev parkında ümummilli liderin vəfatının 12-ci ildönümü ilə bağlı xatirə tədbiri təşkil edilib.
Azərbaycanın Türkiyədəki səfirliyindən "Report"a verilən məlumata görə, tədbir diplomatik nümayəndəlik tərəfindən təşkil olunub.
Tədbirdə səfirliyin əməkdaşları, Türkiyənin hökumət və parlament üzvləri, Ankarada fəaliyyət göstərən beynəlxalq təşkilatların və diplomatik korpusun təmsilçiləri, Ankarada təhsil alan kursant, müdavim və universitet tələbələrimiz, Heydər Əliyev məktəbinin şagirdləri, tanınmış elm və mədəniyyət xadimləri, diaspor nümayəndələrimiz və KİV nümayəndələri iştirak ediblər.
Tədbir iştirakçıları tərəfindən ulu öndərin abidəsi önünə əklillər qoyulub, əziz xatirəsi bir dəqiqəlik sükutla yad edilib.Tədbir iki ölkə himnlərinin oxunması ilə başlayıb.
Səfir Faiq Bağırov, Türkiyə baş nazirinin müavini Tuğrul Türkəş, Türkiyə Böyük Millət Məclisinin Türkiyə-Azərbaycan parlamentlərarası dostluq qrupunun rəhbəri Nəcdət Ünüvar, Ədalət və İnkişaf Partiyası İğdır millət vəkili Nurettin Aras, Yenimahalle rayonunun bələdiyyə sədri Fethi Yaşar, tələbə və kursantlarımız həyata keçirdikləri çıxışlarda Heydər Əliyevin ölkəmizə və iki qardaş ölkə münasibətlərinə etdiyi əvəzsiz xidmətlərindən geniş şəkildə söz açıblar. Çıxışlar zamanı ulu öndərin Azərbaycana rəhbərlik etdiyi dövrdə ölkənin həyatında, xalqın taleyində oynadığı əzəmətli rol Azərbaycan xalqının yaddaşından silinməyəcəyini, Azərbaycanın tarixi inkişaf prosesinə təkan verdiyini, vətən və xalq qarşısındaki ən böyük xidməti müstəqil Azərbaycanın qurulması olduğunu və Azərbaycançılıq ideologiyasının yaradıcısı kimi ən böyük amalı güclü Azərbaycan dövlətini qurmaq və yaşatmaq olduğu qeyd olunub.
Qeyd etmək istərdik ki, tədbir zamanı Türkiyə Böyük Millət Məclisinin sədri İsmail Kahramanın xatirə tədbirinə ünvanladığı mesajı oxunub.
Daha sonra tədbir iştirakçıları ulu öndərin mənalı ömür yolu və zəngin siyasi fəaliyyətini əks etdirən sərgi ilə tanış olublar.
Səfirlik tərəfindən keçirilən xatirə tədbiri Türkiyənin TRT AVAZ, TRT HABER və Anadolu Agentliyi tərəfindən işıqlandırılıb.




















Tags:  Türkiyədə Heydər Əliyevin vəfatının 12-ci ildönümü bağlı xatirə tədbiri təşkil edilib

RƏYLƏR


Top news