Bütün dünyanın gözü Fransanın paytaxtı Parisdə idi.
Metbuat.az-ın məlumatına görə, bu gün, 2016-cı ildə keçiriləcək futbol üzrə Avropa çempionatının püşkü atılıb. Püşkatma mərasimi Bakı vaxtı ilə saat 21:00-da başlayıb.
Fransa millisi ev sahibi olduğu üçün, birbaşa A qrupunda yer alıb. Püşkatma nəticəsində Avro-2016-nın 6 qrupu aşağıdakı kimi formalaşıb.
A qrupu: Fransa, Rumıniya, Albaniya, İsveçrə
B qrupu: İngiltərə, Rusiya, Uels, Slovakiya
C qrupu: Almaniya, Ukrayna, Polşa, Şimali İrlandiya
D qrupu: İspaniya, Çexiya, Türkiyə, Xorvatiya
E qrupu: Belçika, İtaliya, İrlandiya, İsveç
F qrupu: Portuqaliya, İslandiya, Avstriya, Macarıstan
Avropa çempionatı 10 iyun - 10 iyul tarixləri aralığında keçiriləcək. Qruplarında ilk iki pilləni tutan yığma komandalar və ən yaxşı 4 qrup üçüncüsü növbəti mərhələyə vəsiqə qazanacaq.