Bakıda yük maşını qəza törədib.
APA-nın məlumatına görə, Səbail rayonu ərazisində “Shagman” markalı yük maşını iki minik maşınını əzərək mağazaya çırpılıb. Nəticədə xəsarət alan olmasa da, avtomobillərə və mağazaya ciddi ziyan dəyib.
Nəqliyyatı İntellektual İdarəetmə Mərkəzi də məlum yol qəzası ilə bağlı sürücülərə müraciət edib. Mərkəzdən APA-ya verilən məlumata görə, Neftçilər prospektinin Bülbül prospekti ilə kəsişməsində baş vermiş yol-nəqliyyat hadisəsi nəticəsində yolda nəqliyyat vasitələrinin sıxlığı müşahidə olunur. Sürücülərdən alternativ yollardan istifadə etmələri xahiş olunur.
