Bakı, 12 dekabr, Elvin Camalov, AZƏRTAC
Böyük Britaniyanın paytaxtı Londonda sərnişin qatarında yanğın baş verib.
AZƏRTAC BBC-yə istinadla xəbər verir ki, yanğın qatardakı kondisioner sistemindən başlayıb. Hadisə ilə əlaqədar 700-ə yaxın sərnişin paytaxtın mərkəzində yerləşən “Merilebon” dəmiryol stansiyasına təxliyə edilib.
Hazırda qatarların hərəkəti bərpa olunub.
Hadisə nəticəsində zərərçəkən olmadığı bildirilir.
