Aktual mövzular: Dollar alış-satışı , Hava haqqında, Məzənnə, Neftin qiyməti

«Windows XP Embedded» sisteminin dəstəyi dayandırıldıqdan sonra bankomatlar təhlükə ilə üzləşə bilər

«Windows XP Embedded» sisteminin dəstəyi dayandırıldıqdan sonra bankomatlar təhlükə ilə üzləşə bilər

Windows 7 gains more new users than Windows 10 (10 November 2016 15:34)

Date: 12 December 2015 12:26

Bank sistemlərinin təhlükəsizliyi üçün proqram təminatının hazırlanması ilə məşğul olan «Abatis» şirkətinin ekspertləri bildiriblər ki, «Windows XP Embedded» sisteminin rəsmi dəstəyi dayandırıldıqdan sonra dünyada qurulmuş bankomatların əksəriyyəti təhlükəsizlik problemi ilə üzləşə bilər.
 
«ICTnews» elektron xəbər xidməti «dailycomm.ru» resursuna istinadən yazır ki, masaüstü «Windows XP» sisteminin dəstəyi 2015-ci ilin iyulunda dayandırılıb. “Lakin «Windows XP Embedded» platforması 2016-cı ilədək dəstəkləndiyinə görə bankomatların bir çoxunda hələ də bu köhnə əməliyyat sistemindən istifadə edilir", - «Abatis» şirkətinin direktoru Kerri Devis deyib.
 
 
O xəbərdarlıq edir ki, əməliyyat sistemində təhlükəsizlik yeniləmələrinin olmaması bankomatları zərbə altında qoyur. Təkcə Böyük Britaniyada 65 min bankomat qurulub ki, onların da əksəriyyəti «Windows XP Embedded» sistemi ilə idarə olunur.
 
«European ATM Security» assosiasiyasının məlumatına görə, 2014-cü ildə Qərbi Avropada hakerlər tərəfindən zərərli proqram təminatının köməyi ilə bankomatlardan pulların çəkilməsi ilə bağlı 51 hadisə qeydə alınıb. O vaxt ümumilikdə 1,23 milyon avro oğurlanmışdı. Ekspertlər bildirib ki, bu halda «Windows XP» ƏS-dən istifadə sözügedən problemə səbəb olub.
 
Emil Hüseynov
 
 
 
 


Tags:  Windows XP Embedded sisteminin dəstəyi dayandırıldıqdan sonra bankomatlar təhlükə üzləşə bilər



RƏYLƏR


Top news