Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Heydər Əliyevin xatirəsi Pakistanda da yad edilib

Heydər Əliyevin xatirəsi Pakistanda da yad edilib

Date: 12 December 2015 15:42

Bakı. 12 dekabr. REPORT.AZ/ Azərbaycanın Pakistandakı səfirliyində ümummilli lider Heydər Əliyevin anım mərasimi keçirilib.
Səfirlikdən "Report"a verilən məlumata görə, səfirliyin diplomatları və Pakistanda yaşayan azərbaycanlıların iştirak etdiyi tədbirdə çıxış edənlər H.Əliyevin Azərbaycanın tarixində oynadığı müstəsna roldan, həyata keçirdiyi milli dövlət quruculuğu siyasəti və Azərbaycançılıq ideyalarından danışıblar.
Qeyd olunub ki, H.Əliyevin rəhbərliyi ilə Azərbaycanda siyasi sabitlik və iqtisadi-sosial tərəqqi əldə edilib. Azərbaycan xalqının milli maraqlarının əsas götürüldüyü xarici siyasət xətti formalaşdırılmış, qısa müddətdə Azərbaycan regionun və dünyanın dəyər verdiyi ölkəyə çevrilib. H.Əliyevin bərqərar etdiyi milli quruculuq siyasəti, islahatlar, qlobal əhəmiyyətli layihələr bu gün Azərbaycan prezidenti İlham Əliyev tərəfindən uğurla davam etdirilir.
Həmçinin İslamabaddakı Bari İmam ziyarətgahında ümummilli liderin ruhuna dualar oxunub, ehsan verilib.

Tags:  Heydər Əliyevin xatirəsi Pakistanda yad edilib

RƏYLƏR


Top news