Aktual mövzular: Dollar alış-satışı , Hava haqqında, Məzənnə, Neftin qiyməti

Masallı-Yardımlı yolunda 400 metrlik alternativ yol salınıb

Masallı-Yardımlı yolunda 400 metrlik alternativ yol salınıb

Date: 12 December 2015 16:28


Bakı, 12 dekabr, AZƏRTAC 
“Azəryolservis” ASC tərəfindən Masallı-Yardımlı avtomobil yolunun 17-ci kilometrliyində çökmənin baş verdiyi əraziyə alternativ olaraq yeni yol hissəsi salınıb. Bununla da həmin istiqamətdə nəqliyyat vasitələrinin normal, təhlükəsiz hərəkəti təmin olunub.
“Azəryolservis”in mətbuat xidmətindən AZƏRTAC-a bildirilib ki, yeni yol hissəsinin uzunluğu 400 metr, hərəkət hissəsinin eni 6-7 metr olmaqla, ümumi eni 8-10 metrdir. Ərazinin relyefinə uyğun olaraq 1-2 metr qalınlığında yeni yol yatağı tikilib. Əraziyə 10 min kubmetr daş-çınqıl tökülüb. Dağdan yola doğru gələn su axınını ötürmək üçün yolun altından 2 ədəd 15 metr uzunluğunda 1250 millimetr və 750 millimetr diametrli su boruları yerləşdirilib.
Yeni yol hissəsinin salınması istiqamətində işlər “Azəryolservis” ASC tərəfindən Yardımlı Rayon İcra Hakimiyyətinin köməkliyi ilə qısa müddət ərzində aparılaraq yekunlaşdırılıb. Bunun üçün əraziyə 22 saylı Masallı, həmçinin 23 saylı Yardımlı Yol İstismar İdarələrinin texnikaları və canlı qüvvəsi cəlb olunub.
Xatırladaq ki, bir-neçə gün bundan öncə Masallı-Yardımlı avtomobil yolunun 17-ci kilometrliyində olan aktiv sürüşmə zonasında çökmə baş verib. Çökmə yolun təqribən 1,5 metr hissəsini əhatə edib. Bu üzdən həmin ərazidə yeni alternativ yol hissəsinin salınması istiqamətində işlər aparılıb.



Tags:  Masallı-Yardımlı yolunda 400 metrlik alternativ yol salınıb


RƏYLƏR


Top news