"Valensiya"nın hücumçusu Alvaro Neqredo qış transfer pəncərəsi dövründə icarə əsasında "Barselona"ya keçməkdən imtina edib.
Milli.Az goal.az-a istinadən xəbər verir ki, 30 yaşlı hücumçu Neymar, Suarez və Messi kimi hücumçuları olan "Barsa"da əsas heyətə düşməkdə çətinlik çəkəcəyini əsas gətirərək bu qərarı qəbul edib. Bundan başqa, Neqredo ümid edir ki, Qari Nevillin "Valensiya"da baş məşqçi postuna gəlməsindən sonra daha çox meydana çıxmaq imkanı qazanacaq. Təcrübəli hücumçunun əsas məqsədi AVRO-2016-da İspaniya millisinin heyətinə düşməkdir.
Qeyd edək ki, bir ay öncə Neqredo appendisitdən əməliyyat olunmuşdu.
Milli.Az
