Bakı, 12 dekabr, Ramiz Quliyev, AZƏRTAC
Ulu öndər Heydər Əliyevin Azərbaycanın bir dövlət kimi daim yaşaması, müstəqilliyini qoruyub saxlaması, güclü və demokratik dövlət qurulması istiqamətində fəaliyyəti misilsizdir.
Bu sözləri AZƏRTAC-a müsahibəsində dekabrın 12-də Fəxri xiyabana ziyarətə gələn Bakı sakini Mais Ağayev bildirib.
O deyib ki, Heydər Əliyev Azərbaycan cəmiyyətini saflaşdırmış, gələcək nəsillər üçün sivil dəyərlərə əsaslanan, milli mənəvi dəyərləri yaşatmağa qadir olan bir ölkə miras qoyub.
Vurğulayıb ki, müstəqilliyimizin ilk illərində ölkəmiz parçalanmaq və məhv olmaq təhlükəsi ilə üz-üzə qaldığı bir vaxtda - 1993-cü ilin iyununda hakimiyyətə qayıdan ulu öndər Heydər Əliyevin uğurlu siyasəti nəticəsində ölkədə ictimai-siyasi vəziyyət stabilləşmiş, dövlətin iqtisadi, siyasi və hərbi qüdrətini artırmışdır.