Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Qlobal iqlim razılaşmasının layihəsi təqdim olunub

Qlobal iqlim razılaşmasının layihəsi təqdim olunub

Date: 12 December 2015 19:12

Bakı. 12 dekabr. REPORT.AZ/ Parisdə keçirilən BMT-nin iqlim konfransına qatılan liderlər arasında əldə olunmuş ilkin razılaşmanın yekun layihəsi təqdim olunub.
"Report" BBC-yə istinadən xəbər verir ki, sənədə əsasən ölkələr qlobal istiləşmə artımını 1-2 dərəcə çərçivəsində saxlamağa razılaşırlar.
Razılaşma atmosferə atılan zərərli tullantıların həcmini azaltmaq üçün inkişafda olan ölkələrə hər il 100 milyard dollara yaxın vəsaitin ayrılmasını nəzərdə tutur.
Mətbuat konfransında çıxış edən Fransanın xarici işlər naziri deyib ki, sənədin təsdiqlənməsi tarixi addım olacaq.
Laurent Fabius-un sözlərinə görə razılaşma üzrə tədbirlər qlobal istiləşmə templərini əhəmiyyətli şəkildə azalda bilər.
Sammitin məqsədi istixana qazlarının həcminin azaldılmasına yönələn ilk icbari qlobal razılaşmaya çatmaq olub. Onun layihəsinin mətni iki həftə davam edən danışıqlardan sonra yekunlaşdırılıb.
Danışıqların sonuncu mərhələsi, nəzərdə tutulduğundan 16 saatlıq yubanma ilə, cümə günündən şənbəyə keçən gecə başa çatıb.
BMT iqlim konfransında 190 ölkənin nümayəndəsi iştirak edib.

Tags:  Qlobal iqlim razılaşmasının layihəsi təqdim olunub

RƏYLƏR


Top news