Bakı. Cavid Zeynallı – APA. Nazirlər Kabineti yanında Tərcümə Mərkəzinin kataloqu 5 dildə - Azərbaycan, ingilis, rus, ərəb və türk dillərində nəşr olunub.
Mərkəzdən APA-ya verilən məlumata görə, kataloqda “1984-2014-cü illər arasında “Xəzər” dünya ədəbiyyatı jurnalında və “Yol” ədəbi-bədii qəzetində nəşr olunan ədəbiyyatlar”, “Məktub və gündəliklər”, “Müsahibələr”, “Esse və məqalələr”, “Nobel məruzələri”, “Memuar ədəbiyyat”, “İlahi keçid” silsiləsindən tərcümələr”, “Elmi-fəlsəfi ədəbiyyat” “Azərbaycan Tərcümə Mərkəzinin kitab nəşrləri” bölmələri yer alıb.
Kataloq Tərcümə Mərkəzinin fəaliyyəti, eləcə də Mərkəz tərəfindən Azərbaycan dilinə edilən tərcümələrlə tanış olmaq istəyən tərcüməçilər, bu sahə ilə əlaqəli olan mütəxəssislər, həmçinin, tərcümə fakültələrinin tələbələri üçün nəzərdə tutulub.