Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Böyük erməni faciəsinin memarları

Böyük erməni faciəsinin memarları

Date: 13 December 2015 01:01

Ermənistan parlamentinin vitse-spikeri, yunan əsilli siyasətçi Eduard Şarmazanov Argentinada Qarabağın heç zaman Azərbaycana qaytarılmayacağını iddia edib.

ANS PRESS-in məlumatına görə, Argentinadakı erməni icmasının, daha doğrusu erməni kilsəsinin dəvəti ilə səfər etmiş yunan siyasətçi hətta 1990-cı illərin əvvəlini xatırlayıb: “Azərbaycan Qarabağ münaqişəsini hərbi yolla həll etmək ideyasından əl çəkmir. Bu dövlət tarixdən dərs çıxarmır: hələ 90-cı illərdə Azərbaycan prezidenti Əbülfəz Elçibəy Göyçəni (Sevanı) tutacağını deyirdi”.

Təbii ki,Azərbaycanın mərhum prezidenti heç vaxt belə sözlər işlətməyib və Eduard Şarmazanov özü də bu sözləri daxili bazar üçün söyləydiyini yaxşı anlayır. Artıq 2015-ci ildir və Azərbaycan keçən 20 il ərzində ordu quruculuğunda böyük işlər görüb, ordunun maddi-texniki bazasının möhkəmləndirilməsi baxımından böyük işlər görüb.


Eduard Şarmazanov (soldan üçüncü) Argentinada erməni icması ilə

1990-cı illərdə isə vəziyyət fərqli idi - sovet rəhbərliyi mülki müdafiəni bəhanə edərək 1987-ci ildən Ermənistana 80 minlik ordu qurmaqla məşğul idi. Bu işə hətta Monte Melkonyan kimi beynəlxalq səviyyəli terrorçular da cəlb edildi. Məsələn, 1989-cu ildə SSRİ-nin dağılmasına hələ 2 il qalmış Azərbaycanın Todan kəndinə hücum edən milliyyətcə erməni sovet hərbçilərinin sırasında Monte Melkonyan da vardı. Hücumda hətta zirehli döyüş maşınından istifadə edilirdi. Həmin vaxt sovet rəhbərliyi azərbaycanlılar yaşayan kəndlərdən hətta ov tüfəngini belə yığdırmışdı. Belə olan şəraitdə müstəqilliyini yeni qazanmış və heç bir hazırlığı olmayan Azərbaycanın müəyyən uğursuzluqları qaçılmaz idi.

Məsələ, bunda deyil, əsas məsələ odur ki, bu müvəqqəti qələbə Ermənistana nə verdi? Diqqətlə araşdırdıqda görmək olur ki, iqtisadi və siyasi tənəzzüldən başqa heç nə. 1990-cı illərdə Ermənistanda 4 milyon adam yaşayırdısa, indi Avropadakı erməni diasporunun məlumatına görə bu say 1,4 milyona düşüb. Rusiyada isə ermənilərin sayı xeyli artaraq 2,5 milyona çatıb.

Ermənilər elliklə Ermənistanı tərk edir. Bu, xüsusilə də, Eduard Şarmazanovun doğulduğu Lori vilayətində, yəni Dağ Borçalı mahalında özünü qabarıq göstərir. Bu regionda yüzlərlə kənd boşalıb və əhali Rusiyaya köçüb. İrəvanda Lori ermənilərinin Rusiyaya kütləvi köçünün yoxsulluqla bağlı olduğunu iddia edənlər çoxdur. Amma məsələni diqqətlə araşdırdıqda bu məsələdə Qarabağ müharibəsinin də ciddi amil olduğunu görmək olur. Elə həmin Loridə anadan olmuş 32 yaşlı Qriqor Esayan əsgərlikdə olduğu Qarabağdan iflic qayıdıb. Ailəsi oğlanın üzərində aparılmış bioloji təcrübələrin onu şikəst etdiyini düşünür. Qriqor Esayanın taleyini görə ermənilər təbii ki, övladlarını uşaq yaşlarından Rusiyaya aparmağa məcburdurlar.


Qriqor Esayan əsgərlikdə iflic olub

Azərbaycan isə bunun tam tərsinə olaraq gündən günə böyüyür və artıq əhali sayı 10 milyona çatır. Uyğun olaraq, Azərbaycanın ordusu da böyüyür və artıq əsgər sayı 300 minə yaxınlaşır. Ermənistan isə 30-40 minlik ordusunu güc-bəla ilə əsgərlə təmin edə bilir, çox vaxt sıravi kimi muzdlular orduya götürülür. Amma bu da uzun çəkməyəcək, vaxt gələcək, əhali sayı 800 minə düşmüş və yalnız pensiyaçıların yaşadığı Ermənistanda orduya götürməyə muzdlu belə tapılmayacaq. Bax, onda Şarmazanov kimi psevdo-patriotların fəaliyyəti məntiqi nəticəsini tapacaq - Ermənistan “X” gününə yuvarlanacaq.

Yeri gəlmişkən, hələ 1980-ci illərdə Göyəçənin Basarkeçər qəsəbəsində yaşayan keşiş Viktor erməniləri gözləyən həmin “X” günündən tez-tez danışırdı. Öncəgörmələri ilə məşhur olan keşiş Göyçə gölünün ermənilərə məzar olacağını deyirdi…

Tags:  Böyük erməni faciəsinin memarları


RƏYLƏR


Top news