Milli.Az qat-qat xəmirlə kababın hazırlanma qaydasını təqdim edir
Tərkibi:
500 q qiymə
500 q mayasız qat-qat xəmir
3 x.q. soya sousu
qara istiot
1 baş soğan
2 diş sarımsaq
kahı
Soğanı sürtgəcdən keçirin (ət maşınından da çəkə bilərsiniz), qiyməyə qatın. Soya sousu, istiot, xırdalanmış sarımsaq əlavə edin, duz vurarkən soya sousunun duzlu olduğunu nəzərə alın. Qiyməni yaxşıca qarışdırıb 30 dəqiqə soyuducuda saxlayın.
Bu müddətdən sonra qiymədən küftələr tutun (1 şiş üçün 4 küftə, birinin çəkisi 25 q olmaqla). Xəmiri düzbucaqlı yayın, küftələrin diametrindən bir qədər enli şəridlərə doğrayın.
Şişləri əvvəlcədən suda 2 dəqiqə isladın. Sonra aralarına xəmir keçirməklə küftələri şişə çəkin. Yağlanmış siniyə düzüb 180 dərəcə qızdırılmış sobada təxminən 30-40 dəqiqə bişirin.
Boşqaba kahı yarpaqları düzün, kababları üstünə qoyun.
Nuş olsun!
Milli.Az 
