Ağdam, 13 dekabr, Tahir Ağaməmmədov, AZƏRTAC
Görkəmli dövlət və siyasi xadim, müstəqil Azərbaycanın memarı və qurucusu Heydər Əliyevin zəngin həyat və fəaliyyəti gənclər üçün örnəkdir. Biz gənclər Heydər Əliyevin zəngin siyası irsini dərindən öyrənməli, Vətənimizi onun kimi sevməliyik.
Bu sözləri Ümummilli Liderin Quzanlı qəsəbəsindəki abidəsini ziyarətə gələn rayonun fəal gənci Elməddin Abbasov AZƏRTAC-a müsahibəsində deyib. O bildirib ki, ağdamlı gənclər Ulu Öndərin xatirəsini daim əziz tutur, dahi rəhbərin dövlətçilik ideyalarını uğurla həyata keçirən Prezident İlham Əliyevin ölkəmizin sosial-iqtisadi inkişafının sürətləndirilməsi, işğal edilmiş ərazilərimizin azad edilməsi istiqamətində fəaliyyətini dəstəkləyirlər.
