Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Yeni qayda: həkimdən tələb edin ki...

Yeni qayda: həkimdən tələb edin ki...

Date: 13 December 2015 14:32

Səhiyyə Nazirliyinin Analitik Ekspertiza Mərkəzi yaxın günlərdə "Etibarlı aptek təcrübəsi" və "Etibarlı distribütor təcrübəsi" adlı yeni tələblərə qoşulacaq.

Ümumdünya Səhiyyə Təşkilatının və Beynəlxalq Əczaçılıq Federasiyasının tövsiyələrinə uyğun hazırlanmış əczaçılıq müəssisələrinin yaradılması və fəaliyyətini tənzimləyəcək  tələblər təsdiqlənmə mərhələsindədir.

Bu barədə virtualaz.org saytına nazirlikdən məlumat veriblər.

Xəbərdə deyilir ki, mərkəz dərmanların keyfiyyətinə nəzarəti gücləndirib. Nazirliyin  Farmakoloji və Farmakopeya Ekspert Şurası tərəfindən isə dərman vasitələrinin əlavə təsirlərinə nəzarət qaydaları təsdiqlənib. Qaydaya əsasən, həkimlər və istehsalçılar dərman vasitəsinin istifadəsi zamanı istifadə təlimatında göstərilməyən, yaranan bütün əlavə təsirlər haqda məlumat verməlidirlər.

Bundan əlavə, vətəndaş şikayətinin dərhal araşdırılması üçün "qaynar xətt" xidmətinə əlavə telefon qoşulub. Vətəndaş şübhələndiyi dərman haqqında məlumat verəndən sonra araşdırma aparılır. Vətəndaşlar dərmanların əks təsirləri haqqında da şikayət edə bilərlər. Mərkəz dərman vasitələrinin əks təsirlərini toplayan Beynəlxalq Monitorinq Mərkəzinin müşahidəçi-ölkələri sırasına daxil olub.

Qeyd edək ki, bu ilin 9 ayında əczaçılıq bazarından 835 adda 2874 qutu qeydiyyatsız və dövlət nəzarətindən keçməmiş dərman preparatları satışdan çıxarılıb.

Milli.Az


Tags:  Yeni qayda həkimdən tələb edin

RƏYLƏR


Top news