Aktual mövzular: Dollar alış-satışı , Hava haqqında, Məzənnə, Neftin qiyməti

"Mahmudovçular"ın Afrikadakı "səfiri" - ŞOK İDDİA

"Mahmudovçular"ın Afrikadakı "səfiri" - ŞOK İDDİA

Date: 14 December 2015 09:22

Eldar Mahmudovun nazir vəzifəsindən çıxarılmasından iki aya yaxın müddət keçsə də, sabiq nazirin dövründə Milli Təhlükəsizlik Nazirliyində baş vermiş olaylar hələ də medianın əsas mövzusu olaraq qalmaqdadır. E.Mahmudovun istefaya göndərilməsi ilə MTN-də başlamış həbslər, bu strukturda ciddi kadr dəyişiklikləri davam edir. Nazir əvəzi təyin edilən Mədət Quliyevin verdiyi son məlumata görə, nazirlikdə 250-dək yararsız, "mahmudovçu"  kadr işdən uzaqlaşdırılıb. Nazirliyin rəhbər kadrlarının yarıdan çoxu, o cümlədən şöbə rəisləri, bir neçə rayon MTN-in rəisləri artıq işdən uzaqlaşdırılıb.

Milli.Az musavat.com-a istinadən bildirir ki, məlumata görə, işdən uzaqlaşdırılanlar arasında Azərbaycanın xaricdəki diplomatik nümayəndəliklərində çalışan MTN əməkdaşları da var. Məlumata görə, E.Mahmudovun dipkorpuslara yerləşdirdiyi adamların bəziləri xaricdə üzərinə düşən vəzifəni deyil, sabiq nazirin və indi həbsdə olan generalların biznesinə nəzarəti həyata keçiriblər.     
   
"Mahmudovçular"ın brilliant biznesini monopoliyaya aldığı barədə ötən saylarımızda xəbər vermişdik. Bildirilirdi ki, MTN brilliant trafikini 2007-ci ildə - AZAL-ın təhlükəsizlik xidmətində qalmaqallı həbslərdən sonra nəzarətə keçirib. MTN-in keçirdiyi həmin əməliyyat zamanı AZAL-ın Təhlükəsizlik Xidmətinin rəisi Emil Süleymanov, eləcə də MTN-in Binə Hava Limanındakı şöbəsinin rəisi Rafət Əliyev də daxil olmaqla, daha bir neçə nəfər "Rusiyanın xeyrinə casusluq ittihamı" ilə həbs edilmişdilər. İddia olunur ki, əslində bu həbslərdə məqsəd hava limanında brilliant idxalına nəzarəti ələ götürmək olub. 

MTN rəhbərliyi brilliant trafikini xaricdən yönləndirmək üçün Xarici İşlər Nazirliyindən "səfir postu" belə almağa nail olub. Söhbət 2011-ci ildə Cənubi Afrika Respublikasında yaradılmış səfirlikdən gedir. Qaynağımız iddia edir ki, Azərbaycanla cəmi 2 milyon dollar ticari əlaqələri olan uzaq CAR-da səfirlik yaradılması E.Mahmudovun dəstəyi ilə baş tutub, hətta səfirlik binasının icarəsi və digər işlər üçün lazımi maddi dəstək də göstərilib. 

Bu işdə isə əsas fiqurant  MTN-in Energetika və Nəqliyyat Sahələrində Təhlükəsizlik Baş İdarəsinin sabiq rəisi, hazırda həbsdə olan general-mayor Akif Çovdarov olub. 

Mümkündür ki, "mahmudovçu" dəstə ixtiyarlarında olan onlarla şirkətləri vasitəsilə brilliantı Afrikadan alırmışlar və səfirlik bu işdə yalnız vasitəçi rolunu oynayıb. Amma məlumata görə, E.Mahmudovun istefaya göndərilməsindən sonra Poluxovun da səfir vəzifəsindən geri çağırılması gözlənilir. Cənubi Afrika Respublikası ən çox brillianta sahib olan ölkələr siyahısında 5-ci yerdə dayanır. Bu ölkədə brilliant həddindən çoxdur. Ölkə iqtisadiyyatının böyük hissəsi brilliant istehsalından gələn gəlirlərə istinad edir. 

Qeyd edək ki, Ermənistan prezidenti Serj Sərkisyanın da illərdir qanlı vətəndaş müharibəsi içərisində olan Sierra-Leonada (Afrika qitəsində yerləşir) almaz biznesi var. Araşdırmalar göstərir ki, Ermənistan prezidenti və baş naziri, Xarici İşlər Nazirliyi, ali kilsə rəhbərliyi və hətta kriminal-oliqarx iş adamından ibarət mütəşəkkil şəbəkə bu Afrika ölkəsindən qaynaqlanan mürəkkəb və çirkli almaz biznesi ilə məşğuldur. Ermənistanın almaz mafiyasının marketinq və Afrikada yeni bazarlar tapmaq tapşırığını isə xarici işlər naziri Edvard Nalbəndyan yerinə yetirir. 

İddialarla bağlı CAR-ın paytaxtı Pretoriyada yerləşən səfirliklə  ((+2712) 347 79 69) əlaqə saxlamağa çalışsaq da, cəhdimiz alınmadı. 

Milli.Az


Tags:  Mahmudovçuların Afrikadakı səfiri ŞOK İDDİA


RƏYLƏR


Top news