Aktual mövzular: Dollar alış-satışı , Hava haqqında, Məzənnə, Neftin qiyməti

​Özünü Elnur Məmmədli kimi təqdim etməklə quldurluq törədən idmançı apellyasiya şikayəti verib

Date: 14 December 2015 10:12

“Report”un məlumatına görə, Bakı Apellyasiya Məhkəməsində keçiriləcək ilkin baxış iclası dekabrın 17-nə təyin edilib.
İşə hakim İlqar Murquzovun sədrliyi ilə baxılacaq.
Qeyd edək ki, adıçəkilən şəxslər bu ilin mart ayında Bakıda quldurluqla məşğul olduqlarına görə həbs olunublar. Əməliyyat zamanı 1990-cı il təvəllüdlü Hüseynova Əfsanə Fəxrəddin qızı, onunla qeyri-rəsmi nikah münasibətlərində olan 1989-cu il təvəllüdlü Hacıyev Məmmədəli Ədalət oğlu və Rusiya Federasiyası vətəndaşı, 1984-cü il təvəllüdlü Sadıqov Gülhüseyn Sakit oğlu saxlanılıb. Araşdırma zamanı məlum olub ki, Ə.Hüseynova əvvəlcədən qurulan plana əsasən metro stansiyalarında tanış olduğu oğlanlarla cinsi əlaqədə olmaq adı ilə onları Xəzər rayonunun Buzovna qəsəbəsi Albalılıq yaşayış massivində yaşadığı evə dəvət edib. Evə daxil olandan sonra isə qadının tanış olduğu oğlanlar M.Hacıyevin hücumuna məruz qalıb. M.Hacıyev evə gələn şəxslərə fiziki zor tətbiq edərək onların pulunu və mobil telefonlarını əllərindən alıb. İstintaq zamanı dəstə üzvlərinin bu cinayətləri Rusiya Federasiyasında məhkum olunan G.Sadıqovun qurduğu plana əsasən həyata keçirdikləri məlum olub.
M.Hacıyev kikboks idman növü ilə məşğul olur. O, zərərçəkənlərə zor tətbiq edən vaxt özünü cüdo üzrə Olimpiya çempionu Elnur Məmmədli kimi təqdim edib.
Ağır Cinayətlər Məhkəməsinin hökmü ilə Ə.Hüseynova 8 il 6 ay, M.Hacıyev 10 il 6 ay və G.Sadıqov 9 il 6 ay müddətinə azadlıqdan məhrum edilib.
Həmin şəxslər Cinayət Məcəlləsinin 181.2.5-ci (quldurluq, silah və ya silah qismində istifadə edilən əşyalar tətbiq edilməklə törədildikdə) maddəsi ilə ittiham olunublar.

Tags:  Özünü Elnur Məmmədli təqdim etməklə quldurluq törədən idmançı apellyasiya şikayəti verib

RƏYLƏR


Top news