Mübariz Əhmədoğlu: Hakimiyyətin varisliyi, RF-ə legitim “yox”, Qarabağ mövzusunda qeyri- müəyyənlik konstitusiya islahatlarının əsas məqsədidir

Mübariz Əhmədoğlu: Hakimiyyətin varisliyi, RF-ə legitim “yox”, Qarabağ mövzusunda qeyri- müəyyənlik konstitusiya islahatlarının əsas məqsədidir
10:33 14 Dekabr 2015
22 Ölkə
Ölkə mətbuatı
A- A+

Bakı. Trend:

Ermənistanda S.Sərkisyanın şəxsi maraqlarına xidmət edən konstitusiya islahatları uzun müddət Ermənistan cəmiyyətində və regionda müzakirə obyekti olacaqdır. S.Sərkisyanın konstitusiya islahatlarına gedərkən B.İvanişvilidən ilham alması barədə fikirlər geniş yayılır. Çünki o, asan və bəsit sloqandır.

Bunu Trend-ə Siyasi İnnovasiya və Texnologiyalar Mərkəzinin direktoru, politoloq Mübariz Əhmədoğlu deyib.

M.Əhmədoğlu bildirib ki, ermənilər əvvəlcə “Çiçəklənən Ermənistan” partiyasının lideri Q.Çarukyanı Ermənistanın B.İvanişvilisi hesab edirdilər: "Görünür, S.Sərkisyan Ermənistan cəmiyyətində B.İvanişvili obrazına ehtiyacın olduğunu vaxtında hiss edib və bu ehtiyacı öz marağına çevirdi. B.İvanişvilinin xarakterik əlamətlərindən biri Gürcüstanın işğal olunmuş əraziləri mövzusunu arxa plana keçirməsidir. S.Sərkisyanın Dağlıq Qarabağ məsələsini arxa plana keçirməsi mümkün deyil. Çünki Ermənistanın bütün uydurma tarixi bunun üzərində qurulub. S.Sərkisyanın indiki fəaliyyəti Ermənistan tarixi barədə yazılanları da şübhə altına salır. Amma bu hələ kifayət deyil. Ermənistanın uydurma tarixi hələlik dərin köklərə malikdir. Bu köklər zəifləyib, amma hələ sarsılmayıb".

Politoloq qeyd edib ki, Ermənistanın daxilində ən etiraz doğuran məsələlərdən biri də konstitusiya islahatlarının nə üçün məhz indiki zamanda keçirilməsi idi: "Qüvvədə olan konstitusiya Ermənistanın qarşısında duran problemlərin həllinə heç bir maneçilik yaratmırdı. Bəlkə də, Ermənistanda bu konstitusiyanın hesabına problemlər az yığılıb. Ən azı stabil, vahid hakim partiya mövcuddur. Yeni parametrli konstitusiya hakim partiyanın daxilinə nifaq sala bilər. Konstitusiya islahatlarının müəllifi olan prezident S.Sərkisyanın bu mövzuda paradiqması diqqət çəkir".

M.Əhmədoğlu deyib ki, ermənilərin hakim düşüncə tərzinə görə, Ermənistan bütün qonşuları ilə müharibə vəziyyətində olub və ya müharibə vəziyyətindədir: "Belə olan təqdirdə, Ermənistana operativ idarəçilik və güclü əl həmişəki kimi indi də daha vacibdir. S.Sərkisyan bunları bildiyi halda konstitusiya islahatlarına getdi.
S.Sərkisyanın düşüncəsinə görə, Ermənistan dövləti müasir standartlardan kənar dövlətdir. Ermənistanın təhlükəsizliyini dövlət özü, hakimiyyət orqanları və cəmiyyət deyil, baş verən geosiyasi proseslər tənzimləməlidir. Erməni xalqının konfliktogen potensialı dövlət qoruyucu faktor kimi ön plana çıxır. S.Sərkisyan dəqiq bilir ki, prezident və ya parlament üsul-idarəsində olmasına baxmayaraq erməni xalqı heç vaxt öz dövlətini qoruya bilməyib və qorumaq potensialında da olmayacaq".

M.Əhmədoğlu bildirib ki, Ermənistan prezidenti S.Sərkisyan konstitusiya islahatlarına gedərkən bu paradiqmaya əsaslanırdı: "Ona görə, belə riskli addım atdı. S.Sərkisyanın qarşısında üç hədəf var idi:

I. Öz hakimiyyətinin davamı. S.Sərkisyan başa düşür ki, o hakimiyyətdən gedəcəyi təqdirdə də bütün mülkləri əlindən çıxacaq. Vatikanda səfir işləyən kürəkəni Mikayıl Minasyanın pulun hakimiyyəti ilə xristianlığı uzlaşdırmasına son qoyulacaq. Qardaşlarının bank hesabları xalqın xeyrinə həbs olunacaq. “Qarabağ klanı” bütövlükdə həbsxanalarda məskunlaşdırıla bilər. Ona görə o, hakimiyyətini davam etdirməlidir. Amma S.Sərkisyan bunu elə etməli idi ki, onun demokratiya ilə bağlı demaqoqiyası zərər görməməlidir. Çünki hər il S.Sərkisyan demokratiya adından Aİ-dən 60 milyon avro, ABŞ-dan isə 20-30 milyon vəsait qazanır. Başqa sözlə, S.Sərkisyanın demokratiya ilə bağlı demaqoqiyası ildə 100 milyon dollar qazanc gətirir. Eləcə də onun demokratiya demaqoqiyası Dağlıq Qarabağ tənzimlənməsində Ermənistanın işğalçı mövqeyinin qoruyucu çətirlərindən biridir. Seçdiyi variant orijinal deyil. Sov. İKP-nın təcrübəsi bəllidir. Orijinallıq o olacaq ki, parlamentin 101 deputatının demək olar ki, hamısının köməkçisi kriminal avtoritetlərdən birisi olacaqdır. Kriminal avtoritetlər də həmin deputatın S.Sərkisyanın (partiyanın) göstərişlərindən kənara çıxmasına imkan verməyəcək".

Mərkəz rəhbəri sonra deyib ki, yeni konstitusiyaya görə, Ermənistanın müdafiə naziri siyasi vəzifədir: "Bunu S.Ohanyan bəyan etdi. Hətta mümkündür ki, Ermənistanın indiki prezidenti S.Sərkisyan yeni konstitusiya fəaliyyətə başladıqdan sonra hakim partiyanın lideri olmaqla yanaşı, həm də müdafiə naziri vəzifəsini daşısın. Bu, parlament deputatları üzərində daha yaxşı nəzarətə imkan verəcəkdir".

M.Əhmədoğlu vurğulayıb ki, bunlar sərkisyansayağı demokratik idarəçilik variantlarıdır: "Əmindir ki, Avropa bunu elə beləcə də qəbul edəcəkdir.

II. S.Sərkisyan Rusiyadan gələn təkliflərə yox deməkdən yorulub. Prezident S.Sərkisyan iki dəfə V.Putini rədd edib. Ermənistan parlamentli respublika olsaydı, 2013-cü il 3-ü sentyabr hadisəsi baş verə bilməzdi. Çünki S.Sərkisyan Putinə deyə bilərdi ki, Ermənistanın Gömrük İttifaqına üzvlüyünü parlamentin müzakirəsinə çıxarmaq lazımdır. V.Putinin Dağlıq Qarabağ tənzimlənməsində tutduğu mövqe də S.Sərkisyanı ciddi narahat edir. Əgər V. Putin qəti hökm versə, S.Sərkisyan vəziyyətdən çıxa bilməyəcək".

Politoloq qeyd edib ki, rus dilinə qarşı kampaniya aparmaq və özünün Rusiyanın strateji müttəfiqi elan etmək asan məsələ deyil: "Ermənistan Qərblə ikibaşlı oyunlarından əl çəkməyib və əl çəkmək niyyətində də deyil. Ermənistanın Qərblə oyunları antiRusiya mahiyyətlidir. Parlament üsuli-idarəsinə keçməklə S.Sərkisyan bu istiqamətdə də əlavə resurs yaratmış olur. Çünki Aİ parlamentli respublikalarla işləmək, strateji əməkdaşlıq etmək təcrübəsinə və vərdişlərinə malikdir. RF isə ancaq prezident üsuli-idarəsinə alışıb.
III. Dağlıq Qarabağ tənzimlənməsində Ermənistanın mövqeyi iflasdadır. Bu belə də olmalı idi. Çünki Ermənistan işğalçılığını əsaslandıra bilmir. Məhz ona görə də, Ermənistan beynəlxalq hüquqi proseduralardan kənara qaçır. Ali baş komandanın dinc dövrdə fəaliyyət göstərməməsi, müharibə vaxtı parlament tərəfindən bu səlahiyyətin baş nazirə verilməsi məsələsi cavabdan çox sual yaradır. Eləcə də bu vaxta qədər Dağlıq Qarabağ danışıqlarında Ermənistanın mövqeyinin təmsilçisi bəlli idi. Bu Ermənistanın prezidenti idi. İndi konstitusiya islahatlarından sonra Dağlıq Qarabağ danışıqlarında Ermənistanı kimin təmsil edəcəyi də bəlli deyil. Bu da S.Sərkisyana suları bulandırmağa və ya kartları qarışdırmağa əlavə imkanlar yaradır. S.Sərkisyan bütün bu niyyətlərini konkret, bəlli bir partiyanın üzərində qurub. Hər şeyin alınıb-satıldığı, mənəviyyatın korlandığı, siyasi əqidəsizliyin hökm sürdüyü Ermənistan cəmiyyətində bu partiyanı da kimlərsə ala bilər".

Bizi Twitter-dən izləyin: @trend_az

OXŞAR XƏBƏRLƏR

BU KATEQORİYADAN DİGƏR XƏBƏRLƏR

Ölkə mətbuatında bugün

Kamçatka silkələndi

31 Mart 2017 04:34

Aleksis Sançezin transferi ilə bağlı üstüörtülü açıqlaması

31 Mart 2017 04:32

“Ölüm mələyi”ni kamerada döyüb öldürdülər

31 Mart 2017 04:09

Bakıda avtobus piyadanı vurdu

31 Mart 2017 03:53

Qəbələdə kişi həyat yoldaşını qətlə yetirib

31 Mart 2017 03:45

Ollandın “Feysbuk” səhifəsi dağıdıldı

31 Mart 2017 03:44

Fars Körfəzində villa - FOTO

31 Mart 2017 03:32

Rusiyada güclü zəlzələ oldu

31 Mart 2017 03:28

Şamaxıda 2 ev yandı

31 Mart 2017 03:14

Tarixin ən qanlı müharibələri - FOTOLAR

31 Mart 2017 02:58

İŞİD-nin əsas təbliğatçısı öldürüldü

31 Mart 2017 02:39

Avropa Şurası və Avropa Birliyinin qərargahları dəyişdi - FOTO

31 Mart 2017 02:32

Sabiq deputat metroda öpüşən gənclərdən danışdı:

31 Mart 2017 02:22

Əsədin getməsi ABŞ üçün artıq prioritet deyil

31 Mart 2017 02:19

Bakıda zəncirvari QƏZA: 2 ölü, 1 yaralı

31 Mart 2017 02:03

Ədalət Sarayını İŞİD partladıbmış

31 Mart 2017 01:54

"Bəşər Əsədi devirmək artıq prioritetimiz deyil" -

31 Mart 2017 01:43

Xırdalanda atışma: ölən və yaralanan var

31 Mart 2017 01:39

Dağlar fonunda dağlar - FOTO

31 Mart 2017 01:32

Tanınmış müğənni: "Tez-tez ağlayıram"

31 Mart 2017 01:29

ŞOK QİYMƏT:

31 Mart 2017 01:27

Qurban Qurbanov Volkan Dəmirəl transferinə aydınlıq gətirdi

31 Mart 2017 01:24

Bakıda 17 yaşlı qız intihar edib

31 Mart 2017 01:19

64 yaşlı maşın 70 minə satılır - FOTO/VİDEO

31 Mart 2017 01:13

Xırdalanda DƏHŞƏT:

31 Mart 2017 00:55

Xırdalanda atışma: Maskalılar iş adamını güllələdilər

31 Mart 2017 00:53

FHN-nin xilasediciləri çayda batdığı ehtimal edilən 5 yaşlı uşağı axtarırlar

31 Mart 2017 00:44

Qəbələdə ər arvadının boğazını kəsdi - FOTO/VİDEO

31 Mart 2017 00:43

Mart soyqırımından 99 il ötür

31 Mart 2017 00:27

Astroloji proqnoz - 31 mart

31 Mart 2017 00:18

Məşhur klubun adı rəsmən dəyişdi - FCSB

31 Mart 2017 00:17

Kamal Abdullanın əsəri gürcü dilində işıq üzü gördü

31 Mart 2017 00:14

"Qalatasaray" ulduz futbolçuya sərvət təklif etdi

31 Mart 2017 00:07

Elon Musk-dan 6 qızıl qayda

31 Mart 2017 00:05

Türkyədə qasırğa XƏBƏRDARLIĞI

31 Mart 2017 00:05

31 Mart - Azərbaycanlıların Soyqırımı Günüdür

31 Mart 2017 00:05

"Hindistandan Avropaya yükləri 7 günə daşımaq olar" - Cavid Qurbanov - FOTO

31 Mart 2017 00:05

Günün qoroskopu: problemlərin öhdəsindən gələ biləcəksiniz

31 Mart 2017 00:05

Bakıda 17 yaşlı qız özünü binadan yerə atdı

30 Mart 2017 23:57

Cənubi Koreyanın sabiq prezidenti saxlanılıb

30 Mart 2017 23:56

Dünyanın ən bahalı tualetləri - FOTOLAR

30 Mart 2017 23:53

Tənəffüs yolunu 3 addımla təmizləyin

30 Mart 2017 23:52

Bu surəni oxuyan üçün mələklər istiğfar edərlər

30 Mart 2017 23:47

Hafizəni İslam təbabəti ilə necə gücləndirək?

30 Mart 2017 23:42

Ailə cinayətinin arxasından “cin” çıxdı - FOTO

30 Mart 2017 23:37

Portağal xərçəngə qarşı dərmanlardan 10 qat daha təsirlidir

30 Mart 2017 23:37

Qadınların çadra geyməsinə icazə verilməyəcək -

30 Mart 2017 23:36

"Bakıda gəzmək daha təhlükəsizdir, nəinki..."

30 Mart 2017 23:32

Elza Seyidcahandan Fikrət Qocaya cavab: "Allah bizə səbr versin"

30 Mart 2017 23:32

Məşhur duanın mötəbər mənbəyi varmı?

30 Mart 2017 23:32