Bu gün Çempionlar Liqasında 1/8 final mərhələsinin cütlükləri məlum olacaq.
ANS PRESS-in məlumatına görə, bu gün İsveçrənin Nyon şəhərində Çempionlar liqasının püşkatma mərasimi təşkil ediləcək.
16 futbol komandası 2 səbətə bölünüb. Qrup qalibləri, qrupun ikinciləri və eyni ölkə təmsilçiləri, həmçinin bir qrupda mübarizə aparmış komandalar üz-üzə gələ bilməyəcəklər.
Bu da o deməkdir ki, 1-ci yerin sahibləri növbəti mərhələdə 2-cilərlə qarşılaşacaq. Əsasnaməyə görə, ilk oyunlar ikincilərin meydanında baş tutacaq.
Səbətlər:
1-ci səbətdə qrup qalibləri: "Real Madrid”, "Atletiko Madrid”, "Barselona" (hamısı İspaniya), "Volfsburq", "Bayern Münhen”" (hər ikisi Alrmaniya), “Mançester Siti”, “Çelsi” (hər ikisi İngiltərə), “Zenit” (Rusiya)
2-ci səbətdə qrup ikinciləri: "Arsenal" (İngiltərə), "Yuventus", "Roma" (hər ikisi İtaliya), PSJ (Fransa), "Benfika" (Portuqaliya), "Dinamo Kiyev” (Ukrayna), PSV (Hollandiya), "Gent" (Belçika).
Mərasim Bakı vaxtı ilə saat 15:00-da başlayacaq. Dünyanın bir çox ölkələri tədbiri canlı yayımlayacaq. Çempionlar liqasının final oyunu Milanın "San Siro" stadionunda baş tutacaq.
Çempionlar liqasının sonuncu qalibi "Barselona" olub. Katalonlar finalda "Yuventus"u məğlub edərək 2014-cü ildə çempion olub. Oyun 3:1 hesabı ilə başa çatıb. Bu katalaonlar üçün Çempionlar Liqasında 5-ci qalibiyyət olub.
"Barselona" - "Yuventus" 3-1