Aktual mövzular: Dollar alış-satışı , Hava haqqında, Məzənnə, Neftin qiyməti

Eldar Mahmudovun "diplomatik biznesi": "Dedi-qodulara..."

Eldar Mahmudovun "diplomatik biznesi": "Dedi-qodulara..."

Date: 14 December 2015 11:12

Biz dedi-qodulara cavab vermirik.

Bunu Milli.Az-a Xarici İşlər Nazirliyindəki mənbə vaxtilə Cənubi Afrika Respublikasında (CAR) Azərbaycan Səfirliyinin guya sabiq milli təhlükəsizlik naziri Eldar Mahmudovun "brilliant biznesi"nə görə açılması və səfir Elxan Poluxovun geri çağırılacağı barədə yayılan məlumata münasibət bildirərkən deyib.

XİN bəyan edir ki, nazirlik bununla bağlı rəsmi açıqlama verməyəcək: "Bizim görüləsi daha mühüm işlərimiz var. Amma səfir Elxan Poluxovun özü istəsə, məsələ ilə bağlı fikirlərini bildirə bilər".

Qeyd edək ki, iddialara görə, Eldar Mahmudovun nazir vəzifəsindən çıxarılmasından iki aya yaxın müddət keçsə də, sabiq nazirin dövründə Milli Təhlükəsizlik Nazirliyində baş vermiş olaylar hələ də medianın əsas mövzusu olaraq qalmaqdadır. İşdən uzaqlaşdırılanlar arasında Azərbaycanın xaricdəki diplomatik nümayəndəliklərində çalışan MTN əməkdaşları da var. Məlumata görə, E.Mahmudovun dipkorpuslara yerləşdirdiyi adamların bəziləri xaricdə üzərinə düşən vəzifəni deyil, sabiq nazirin və indi həbsdə olan generalların biznesinə nəzarəti həyata keçiriblər.    

MTN rəhbərliyi brilliant trafikini xaricdən yönləndirmək üçün Xarici İşlər Nazirliyindən "səfir postu" belə almağa nail olub. Söhbət 2011-ci ildə Cənubi Afrika Respublikasında yaradılmış səfirlikdən gedir. Qaynağımız iddia edir ki, Azərbaycanla cəmi 2 milyon dollar ticari əlaqələri olan uzaq CAR-da səfirlik yaradılması E.Mahmudovun dəstəyi ilə baş tutub, hətta səfirlik binasının icarəsi və digər işlər üçün lazımi maddi dəstək də göstərilib.

Bu işdə isə əsas fiqurant  MTN-in Energetika və Nəqliyyat Sahələrində Təhlükəsizlik Baş İdarəsinin sabiq rəisi, hazırda həbsdə olan general-mayor Akif Çovdarov olub.

İlkin İzzət
Milli.Az


Tags:  Eldar Mahmudovun diplomatik biznesi Dedi-qodulara


RƏYLƏR


Top news