Aktual mövzular: Dollar alış-satışı , Hava, Məzənnə, Neftin qiyməti

Azərbaycan Xəzər dənizi ilə bərə reyslərinin sayını artırıb

Azərbaycan Xəzər dənizi ilə bərə reyslərinin sayını artırıb

İran Əmirabad limanında bərə terminalının tikintisi zamanı Azərbaycanın təcrübəsindən istifadə edəcək (10 Mart 2017 18:42)
İran Əmirabad limanında bərə terminalının tikintisində Azərbaycanın təcrübəsindən faydalanacaq (09 Mart 2017 19:22)
Həsən Ruhani: "Azərbaycan və İran arasında Xəzər dənizi ilə bağlı fikir birliyi və qarşılıqlı tərəfdaşlıq önəm kəsb edir" (05 Mart 2017 17:27)

Tarix: 14 Dekabr 2015 12:07

Bakı. 14 dekabr. REPORT.AZ/ Son günlərdə Azərbaycan ərazisindən keçən tranzit yükdaşıyan iritonnajlı avtonəqliyyat vasitələrinin sayı artıb. Tranzit yüklərin daşınması üçün daha əlverişli şəraitin yaradılması məqsədilə Tranzit Yükdaşımalar üzrə Əlaqələndirmə Şurası müvafiq tədbirlər görür.
“Report” İqtisadiyyat və Sənaye Nazirliyinə istinadən xəbər verir ki, tranzit proseduralarının sadələşdirilməsi və xidmət haqlarının aşağı salınması hesabına Azərbaycandan Aktau (Qazaxıstan) və Türkmənbaşı (Türkmənistan) limanlarına istiqamətlənmiş iritonnajlı yük avtonəqliyyat vasitələri üçün tranzit gediş-gəliş xərcləri təqribən 40% aşağı salınıb.
Bildirilir ki, dekabrın 4-dən Xəzər dənizində başlayan güclü külək nəticəsində bərələrin hərəkətində problemlər yaranıb və dekabrın 6-9-da Aktau limanına gedən TİR-lərin bərələrə yüklənməsində gözləmələr baş verib. Bununla yanaşı, Aktau limanında bərə-gəmilər üçün yalnız bir yanalma körpüsünün olması və bu körpünün qasırğa və hündür dalğalardan qorunmaması vəziyyəti bir qədər də çətinləşdirib.
Əlaqələndirmə Şurası bu problemləri nəzərə alaraq Azərbaycan ərazisindən keçən tranzit yükdaşımaları üçün imkanların genişləndirilməsi istiqamətində ardıcıl və sistemli işləri davam etdirir. Belə ki, artıq yük maşınlarının dəniz vasitəsilə daha tez və təhlükəsiz daşınması üçün “Azərbaycan Xəzər Dəniz Gəmiçiliyi” QSC Bakı-Aktau istiqamətində gəmilərin mütəmadi səfər qrafikini təsdiq edib və yük maşınlarının sayının çoxluğu nəzərə alınaraq, istismardan kənar gözləmədə saxlanılan bir neçə bərə-gəmini yenidən istismara qaytarıb, bərə reyslərinin sayı artırılıb.
Şura Azərbaycandan gələn bərə-gəmilərin Aktau limanında yanalma imkanlarının artırılması üçün Qazaxıstan tərəfi ilə danışıqlar aparır. Eyni zamanda, “Bakı Beynəlxalq Dəniz Ticarət Limanı” QSC tərəfindən bərə-gəmilərini gözləyən yük maşınlarının sürücüləri üçün Bakı Dəniz Limanında müvafiq məişət şəraiti yaradılıb, dükan və kafe fəaliyyətə başlayıb.

Teqlər:  Azərbaycan Xəzər dənizi bərə reyslərinin sayını artırıb



RƏYLƏR


Top xəbərlər