Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Neftçi" CAS-ı aldatmağa çalışıb?!

"Neftçi" CAS-ı aldatmağa çalışıb?!

Date: 14 December 2015 12:42

Emil Mpenzanın şikayəti əsasında "Neftçi"nin bir milyon dollara yaxın cərimələndiyindən məlumatlısız.


Bir müddət əvvəl klub cəzadan qurtulmaq üçün CAS-a müraciət etsə də, onların bu cəhdi uğursuzluqla nəticələnib. CAS-ın hakimi ilkin mənbənin qərarını qüvvədə saxlayıb.


CAS-dakı dinləmələrdən sonra apardığımız araşdırmalar zamanı qəribə bir faktı aşkara çıxarmışdıq. Məlum olmuşdu ki, Mpenzanın "Neftçi"də oynadığı dövrlərdə klubun vitse-prezidenti vəzifəsində çalışan Tahir Süleymanov məhkəmədə iştirak etmək üçün İsveçrəyə aparılmayıb. Əvəzində tərcüməçilərin məhkəmədə iştirakı lazım bilinib. Yalnız "Neftçi"nin hüquqlarını müdafiə edən ispan vəkilin israrından sonra Süleymanovla virtual əlaqə yaradılıb və sabiq vitse-prezident hakimin suallarını "Skayp" vasitəsiylə cavablandırıb.


CAS-ın qərarından sonra araşdırmalarımız daha bir maraqlı məqamı üzə çıxarıb. Siz də bizim kimi, çox təəccüblənəcəksiz.


Sən demə, "Neftçi" rəhbərliyi CAS-ın hakimini aldatmağa cəhd edib. Klubdan bir müddət əvvəl ayrılan Tural Piriyevi İsveçrəyə aparıb, klubun tərcüməçisi kimi yox, rəsmi nümayəndə statusunda təqdim ediblər. Bildiriblər ki, Piriyev həmin dönəmdə köməkçi-assisent vəzifəsində çalışıb. İspan vəkil təcüməçinin sözlərinin məhkəmə tərəfindən qəbul olunmayacağını bildirirək, onun iştirakına etiraz edib. Elnur Məmmədov isə Tahir Süleymanovun İsveçrəyə gəlişinə razı olmadığı üçün belə bir üsula əl atıb. Onlar nəzərə almayıblar ki, Mpenza yaddaşını itirməyib və şərəfini qoruduğu klubda kimin hansı vəzifədə işlədiyini yaxşı xatırlayır. Emil Mpenza məhkəməyə bildirib ki, Qədir Həsənovla Tural Piriyev tərcüməçilikdən başqa heç bir səlahiyyət sahibi olmayıblar. Hakimlərin isə onları aldatmağa çalışan azərbaycanlıların bu cəhdlərindən xeyli qəzəbləndiyi şübhə doğurmur. CAS məhkəməsi kimi ciddi bir yerdə əl atılan saxtakarlığın sonu isə belə məğlubiyyət olmalıydı. 


Öz növbəmizdə, yazıda adı hallanan şəxslərin mövqeyini dinləməyə, izahatlarını sizə çatdırmağa hazır olduğumuzu bildiririk.(Sport7.az)


Fanat.az



Tags:  Neftçi CAS-ı aldatmağa çalışıb

RƏYLƏR


Top news