Aktual mövzular: Dollar alış-satışı , Hava, Məzənnə, Neftin qiyməti

Türkiyə Mosul ətrafındakı hərbi kontingentinin bir hissəsini geri çəkib

Türkiyə Mosul ətrafındakı hərbi kontingentinin bir hissəsini geri çəkib

Bir ildə Rusiya Suriyada nələri dəyişdi? (15 Mart 2017 13:23)
İraqın Mosul şəhərində 4 uşaq acından ölüb (19 Fevral 2017 05:22)
Kreml türkiyəli hərbçilərin bombardman edilməsinin səbəbini açıqladı (09 Fevral 2017 21:52)

Tarix: 14 Dekabr 2015 13:14

Türkiyə İraqın Mosul şəhəri yaxınlığındakı Başika düşərgəsindəki hərbi kontingentinin bir hissəsini geri çəkməyə başlayıb.

 

APA-nın xəbərinə görə, bu barədə “Reuters” agentliyi məlumat yayıb.

 

Məlumatı Türkiyənin “Anadolu” agentliyi də təsdiqləyib. “İraqın Başika bölgəsindəki Türkiyə hərbi kontingentinin bir qismi İraqın şimalına göndərilib”, - deyə agentliyin xəbərində bildirilir.

 

Xatırladaq ki, Türkiyənin ötən həftə Başika təlim düşərgəsinə yeni qüvvə göndərməsi İraq mərkəzi hökumətinin sərt etirazına səbəb olub. İraq hökuməti bu məsələnin müzakirəsi üçün BMT Təhlükəsizlik Şurasına müraciət edib. İraqın müraciəti BMT TŞ-nin daimi üzvü Rusiya tərəfindən də dəstəklənib. 

 

Türkiyə hökuməti Başika düşərgəsində türk hərbçiləri tərəfindən yerli ərəb və kürd qüvvələrinə İŞİD-ə qarşı döyüşmək üçün hərbi təlim verildiyini bildirir. Qeyd edək ki, İraqın ikinci böyük şəhəri olan Mosul hazırda İŞİD-in nəzarətindədir.


Teqlər:  Türkiyə Mosul ətrafındakı hərbi kontingentinin hissəsini geri çəkib



RƏYLƏR


Top xəbərlər