Bakı, 14 dekabr, Ramiz Quliyev, AZƏRTAC
Böyük Britaniyanın paytaxtı Londonda “Artemide” memarlıq şirkətinin dizayneri Rossi Lavqrovun dizaynı əsasında “Günəş ağac” quraşdırılıb.
AZƏRTAC “Arxinovosti” saytına istinadla bildirir ki, ağac formasına malik fənər günəş enerjisi ilə qidalanır. Fənər əsasən işıq diodları və günəş panellərindən ibarətdir.
“Günəş ağac” avtonom şəraitdə 3 gün fəaliyyət göstərə bilir. Onun eləcə də elektrik şəbəkəsinə qoşulmaq imkanı da var.
Maraqlıdır ki, qaranlıq düşən kimi fənərin işıqları avtomatik olaraq yanır.
