Bakı, 14 dekabr, AZƏRTAC
Meksikada keçirilən taekvondo üzrə milli komandalar arasında dünya kuboku yarışlarında zəfər qazanan kişilərdən ibarət yığmamızın üzvləri və məşqçi heyəti, Azərbaycan Taekvondo Federasiyasının rəhbərliyi və əməkdaşları dekabrın 14-də Fəxri xiyabana gələrək xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini dərin ehtiramla yad edib, məzarı önünə gül dəstələri qoyublar.
AZƏRTAC xəbər verir ki, görkəmli oftalmoloq alim, akademik Zərifə xanım Əliyevanın da xatirəsi ehtiramla anılıb, məzarı üzərinə tər çiçəklər düzülüb.