Aktual mövzular: Dollar alış-satışı , Hava, Məzənnə, Neftin qiyməti

Yapon robotları Fransa vağzallarında işləyir

Yapon robotları Fransa vağzallarında işləyir

Tarix: 14 Dekabr 2015 16:56

Nomura Elmi Tədqiqat İnstitutunda («Nomura Research Institute») işləyən analitiklərin proqnozuna görə, 2035-ci ilədək robotlar Yaponiyada ixtsisasların yarısına yiyələnəcəklər. Hələ ki bu tarixə 20 il var və artıq indi Fransada «Pepper» robotlarını iş başında görmək mümkündür.


«ICTnews» elektron xəbər xidməti «ixbt.com» resursuna istinadən yazır ki, pilot layihə çərçivəsində 3 ədəd «Pepper» robotu Fransanın 3 müxtəlif dəmir yolu stansiyasında işləyəcək. Bu robotlar vağzala gələnlərə qatarların hərəkət cədvəlləri haqda məlumat və başqa turizm informasiyası verəcəklər.


Sözügedən layihə 3 ay müddətinə nəzərdə tutulub və bundan sonra Fransa Milli Dəmir Yolları başqa vağzallarda belə robotlara iş verilməsi ilə bağlı qərar qəbul edəcək.


Emil Hüseynov


Teqlər:  Yapon robotları Fransa vağzallarında işləyir



RƏYLƏR


Top xəbərlər